Qostanaıda júzdegen kúdikti raqymshylyqqa ilinedi

Qostanaı oblysynda «Qazaqstan Respýblıkasy Táýelsizdiginiń 25 jyldyǵyna baılanysty raqymshylyq jasaý týraly» zańǵa sáıkes, 300-den astam kúdiktiniń qylmystyq tergeýin toqtatý josparlanýda, dep habarlady QazAqparat. Olardyń arasynda kámelet jasqa tolmaǵandar, jeńil jáne ortasha qylmystyq áreket boıynsha kúdikti bolǵandar bar. «Raqymshylyq negizinen áleýmettik turǵyda álsiz top azamattaryn, kámelettik jasqa tolmaǵandardy, júkti áıelderdi jáne kámelet jasqa tolmaǵan balalary bar áıelderdi, qarttardy, múgedekterdi jáne usaq qylmys jasaǵandardy qylmystyq jazadan bosatýdy kózdeıdi», – dedi Qostanaı oblysy IID basshysynyń orynbasary, polısııa polkovnıgi Nurıdın Daýylbaev. Sonymen birge, Daýylbaev atap ótkendeı, zań asa aýyr qylmys jasaǵan tulǵalarǵa raqymshylyq jasaýǵa tyıym salady. «Bul krımınaldyq jaǵdaıdyń qıyndaý qaýpin seıiltedi», – dep sanaıdy Qostanaı oblystyq IID basshysynyń orynbasary. Aıta keteıik, bes jyl buryn, el Táýelsizdiginiń 20 jyldyǵyna oraı, óńirde 908 adam raqymshylyqpen bosatylǵan edi.