«Saryarqa» «Ońtústik Oral» komandasynan basym tústi (vıdeo)

Joǵarǵy hokkeı lıgasynyń matchynda Qaraǵandynyń «Saryarqa» hokkeı klýby Orsk qalasynda jergilikti «Ońtústik Oral» komandasymen kezdesip, 4:3 esebimen basym tústi. Alǵashqy shaıbany 12-mınýtta Oleg Marzoev soǵyyp, óz komandasyn alǵa shyǵardy. Ekinshi 20 mınýtta jaǵdaı basqasha órbidi. 27-mınýtta Roman Mýzychko qarsy qaqpany dál kózdep esepti eseleı túskenmen, qonaqtar araǵa bir jarym mınýt salyp esep aıyrmasyn qysqarta bildi. Ony Artýr Sarvarov saldy. Al 32-mınýtta Oleg Lomako mergendigimen kózge túsip, tarazy basyn teńestirse, 39-mınýtta Anton Sagadeev qaraǵandylyqtardy alǵa shyǵardy. Matchtyń sońǵy kezeńi de tarytsqa toly ótti. 56-mınýtta Artýr Sarvarov dýbl ıesi atanyp, tablodaǵy kórsetkishti 4:2-ge jetkizdi. О́z jankúıerleriniń aldynda óner kórsetken «Ońtústik Oral» namysqa basyp, sońǵy mınýtta Denıs Skatovtyń kómegimen bir shaıba soqqan. Biraq bul olardy jeńilisten qutqaryp qala almady. «Saryarqa» kelesi oıynyn erteń Chelıabınskide «Chelmet» ujymymen kezdesedi.