Mal sharýashylyǵy ónimderiniń óndirisi artady

Mal sharýashylyǵy ónimderiniń óndirisi artady. Bul týraly búgin Ortalyq kommýnıkasııalar qyzmetinde ótken brıfıngte QR AShM Mal sharýashylyǵy ónimderin óndirý jáne qaıta óńdeý departamenti dırektory E. Ahmetov aıtty. Onyń aıtýynsha, buǵan qol jetkizý úshin eldik aýqymdaǵy jem balansy ázirlenip, qospa jem kólemi 1,3 mln. tonnaǵa artpaq jáne qurama jem zaýyttarynyń júktelimi 48%-dan 80%-ǵa deıin ulǵaıady. Sondaı-aq, sýarmaly jaıylymdar aımaǵy 18 mln. ga ulǵaımaq. Jalpylaı alǵanda, jańa Baǵdarlamany iske asyrý aýyl sharýashylyǵy ónimderin shyǵarýdy 1,3 esege arttyryp, jalpy somasy 3,3-ten 4,3 trln. teńgege óspek. Atap aıtqanda, eńbek ónimdiligi 50%-ǵa artyp, 1,2 mln.-nan 1,9 mln. teńgege jetpek jáne de 500 myń aýyl sharýashylyǵy JQSh men sharýa qojalyǵy kooperatıvter arqyly ónim jyljytý júıesine tartylmaq, aýyl sharýashylyǵy óndirýshilerin memlekettik qoldaýdyń kólemi 7 esege artpaq. Al aýyl sharýashylyǵy ónimderin qaıta óńdeý men qaıta óńdeý kásiporyndarynyń júktelimi 1,3 esege artady. Salaǵa tartylatyn jeke ınvestısııalar kólemi 3 esege artyp, 427 mlrd. teńgege jetpek. Aıta ketetin jaıt, jańa baǵdarlama búginge deıin bekitilgen bıýdjet sheńberinde júzege asyrylady. Iаǵnı memleketten qosymsha qarjy talap etpeıdi. Esterińizge sala ketsek, buǵan deıin aýyl sharýashylyǵyna arnalǵan jańa baǵdarlamanyń maquldanǵanyn habarlaǵan bolatynbyz.