Et óndirisin 1,3 ese arttyrý josparlanýda

Agroónerkásip keshenin damytýdyń 2017-2021 jyldarǵa arnalǵan memlekettik baǵdarlamasy aıasynda et óndirisi 1,3 ese artpaq. Bul týraly Ortalyq kommýnıkasııalar qyzmetinde ótken baspasóz konferensııasynda Aýyl sharýashylyǵy mınıstrligi Mal sharýashylyǵy ónimderin óndirý jáne qaıta óńdeý departamentiniń dırektory Erkebulan Ahmetov málimdedi. «Baǵdarlamanyń basty maqsaty – naryqtarda asa qajetti básekege qabiletti AО́K ónimderin óndirýdi qamtamasyz etý. О́z kezeginde, oǵan qol jetkizý úshin 4 baǵdarlamalyq maqsat pen 16 mindet tujyrymdaldy. Ekinshi baǵdarlamalyq maqsat aýyl sharýashylyǵynyń basymdyqqa ıe túrleriniń kólemin arttyrýǵa baǵyttalǵan. Ol úshin mal sharýashylyǵynyń tıimdiligin 40%-ǵa arttyrý mindeti tur. Osyǵan baılanysty janýarlardy azyqtandyrý rasıonyn saqtaý arqyly jem-shóp daıyndaý baǵytynda júıeli jumystar júrgiziledi. Iаǵnı, eldik aýqymdaǵy jem-shóp balansyn ázirleý qolǵa alynady. Úshinshi baǵdarlamalyq maqsat – AО́K-ti damytý úshin negizgi resýrstar túrlerin tıimdi paıdalaný. Bul oraıda AО́K sýbektilerin sýbsıdııalaý men «QazAgro» UBH» AQ enshiles kompanııalary arqyly nesıelendirý júıesine aıtarlyqtaı ózgerister engizý josparlanýda. Atalǵan júıeni jetildirý aıasynda tıimsiz 6 sýbsııadııalaý túri joıylyp, 34 sýbsıdııalaý túriniń krıterıleri ózgeredi», – dep atap ótti E.Ahmetov. Sonymen qatar, departament dırektory ósimdik sharýashylyǵy tıimdiligin egis alqaptaryn dıversıfıkasııalaý arqyly arttyrýǵa bolatynyn aıtty. Osy maqsatta óńirlerdiń ereksheligi men daqyldar boıynsha egistik alańdarynyń esebi júrgizildi. Aldaǵy ýaqytta bosatylǵan aýmaqtar arpa, suly, júgeri egistikterimen almastyrylady. Aıdar О́risbaev, "Egemen Qazaqstan".