Qazaq tiliniń jıilik sózdigi ázirlendi

QR BǴM-de jalpy bilim berýge arnalǵan Qazaq tiliniń jıilik sózdigi ázirlendi, bul jóninde QR bilim jáne ǵylym mınıstri Erlan Saǵadıev QR Premer-Mınıstri Baqytjan Saǵyntaevtyń tóraǵalyǵymen ótken memlekettik til saıasatyn odan ári jetildirý jónindegi memlekettik komıssııanyń otyrysy barysynda aıtty. Rrimeminister.kz saıtynyń habarlaýynsha, sharada «Qazaqstan Respýblıkasyndaǵy tilder týraly» QR Zańyn jáne 2011-2020 jyldarǵa arnalǵan Qazaqstan Respýblıkasyndaǵy tilderdi damytý men qoldanýdyń memlekettik baǵdarlamasyn iske asyrý máseleleri talqylandy. Premer-Mınıstr 25 jyl ishinde memlekettik til saıasatyn damytý salasynda aýqymdy jumys atqarylǵanyn aıtty. «Bul – sóz joq, Táýelsizdiktiń jemisi, til máselesindegi Elbasynyń salıqaly saıasatynyń nátıjesi»,- dedi B.Saǵyntaev. Otyrysta memlekettik tildi oqytý ádistemesin jetildirý jáne baǵalaý júıesi boıynsha baıandama jasaǵan QR Bilim jáne ǵylym mınıstri E.Saǵadıev ǵylymı negizde jáne úzdik halyqaralyq tájirıbe boıynsha jasalǵan memlekettik tildi jedel ári tıimdi úıretýdiń jańa ádistemesin tanystyrdy. Jańa ádistemeniń bazasynda «Qazaq tiliniń jıilik sózdigi» ázirlendi.  Ol 2017 jyldan bastap orys tildi mektepterde pılotty úlgide engiziletin bolady. Sondaı-aq, atalǵan másele boıynsha «Nazarbaev zııatkerlik mektepteri» uıymy fılıalynyń bólim basshysy J.Abýov, Ulttyq testileý ortalyǵy Memlekettik til basqarmasynyń jetekshisi A.Ábdihalyqov baıandama jasady. Komıssııa músheleri «Qazaqstan Respýblıkasyndaǵy til týraly» Zańynyń oryndalý barysy týraly QR Mádenıet jáne sport mınıstri A.Muhamedıulynyń, QR Qarjy mınıstri B.Sultanovtyń jáne Pavlodar oblysynyń ákimi B.Baqaýovtyń esepterin tyńdady. Otyrysty qorytyndylaı kele, B.Saǵyntaev ókiletti organdarǵa birqatar tapsyrmalar berdi.