Ulybrıtanııanyń tanymal pop-ánshisi Djordj Maıkl 53 jasynda ómirden ótti, dep habarlaıdy VVS.
"Bizdiń súıikti aǵamyz, dosymyz Djordj Rojdestvo qarsańynda qaıtys boldy. Onyń otbasy osy qıyn shaqta kópshilikten syılastyq kútedi. Sebebi ázirge biz eshqandaı málimdeme jasaı almaımyz", dedi telearnaǵa ánshiniń jarnama boıynsha agenti.
Djordj Maıkl - tanymal ánshi. 1963 jyly dúnıege kelgen. Mýzykalyq mansabynda júz mıllıonnan astam án taspalary satylǵan. Ol "Jyl albomy" atalymy boıynsha eki ret Gremmı syılyǵynyń nomınanty boldy.
Djordj 1981 jyly Endrıý Rıdjlımen «The Executives» tobyn qurdy. Keıin ekeýi dýet bolyp, «Wham!» degen atpen sahnaǵa shyqty. Al jalǵyz án aıta bastaǵanda alǵashqy jınaǵynyń ózi 16 mıllıon taralymmen satylyp ketti. "Bıllbord" jýrnaly sol jınaqty AQSh-taǵy eń kóp satylǵan úntaspa dep baǵalaǵan bolatyn. Ánshi 2007 jyldyń 1 qańtarynda bir konserttiń ózinen 3 mıllıon dollar gonorar alǵan.
Bir aıta keterligi, Djordj Maıkl Berlın halyqaralyq kınofestıvalinde kórsetilgen ózi týraly derekti fılmniń ssenarıin jazǵan.
