Astana kásipkerlerinde qala ishinde saýda jasaıtyn núkte ıemdený múmkindigi paıda bolady. Aldaǵy ýaqytta qala bıligi jerdi sýbarendaǵa berýge baıqaý jarııalaıdy. Oǵan shaǵyn jáne orta bıznes ókilderi qatysa alady, dep habarlaıdy qalanyń kásipkerlik jáne ónerkásip basqarmasy.
Baıqaýǵa ótinishter 2017 jyldyń 6 qańtarynan bastap www.smart.astana.kz portaly arqyly beriledi. Ol úshin elektrondy kilt pen saıtta tirkelý kerek.
Sonymen qatar, myna qujattar bolý kerek:
- ótinish-anketa(úlgi boıynsha);
- Jeke kásipkerlik nemese zańdy tulǵanyń tirkelgeni týraly kýáliktiń kóshirmesi;
- qajet bolǵan jaǵdaıda kásipkerlikke quzirettilikti rastaıtyn qujat;
- sol ýaqytta salyq boıynsha qaryz joqtyǵy týraly anyqtama;
- 9 sharshy metrden az kólemde jer suraıtyndarǵa saýda nysanynyń eskız syzbasy kerek. Onyń ishinde jalpy málimetter, syzba, fasad, jalpy kórinis, syrtqy kórinisi kórsetilgen nysannyń pasporty, qandaı materıaldardan daıyndalǵany, ony daıyndaǵan jerdiń meken-jaıy bolýy tıis;
- 9 sharshy metrden kóp jer suraıtyndarǵa dúkendi daıyndaǵan jerdiń meken-jaıy kórsetilgen málimet kerek.
