Aqtóbe qalasynda alǵash ret «Aktobe kids» Montessorı ortalyǵy ashyldy. О́skeleń urpaqty tárbıeleý men oqytý úshin qajetti jańa nysannyń iske qosylýyna Aqtóbe oblysynyń ákimi Berdibek Saparbaev qatysty.
-Búgin Aqtóbede mańyzdy nysan ashylyp otyr. Árbir balanyń ózindik biregeı múmkindigi bar. Sony der kezinde anyqtap, damytý qajet. «Jasta bergen tárbıe, jas shybyqty ıgendeı» dep beker aıtpaǵan. Bul búldirshinderdiń boıyndaǵy qabyletti erterek ashýǵa alǵyshart jzasaıdy. Osyndaı metodıka bizde 4 balabaqshada qoldanysta bar. Degenmen oblys ortalyǵyndaǵy mamandandyrylǵan ortalyq birinshi ret ashylyp otyr. О́z tarapymyzdan biz mundaı jobalardy júzege asyrýǵa qoldaý kórsetýge daıynbyz, – dedi ortalyqtyń ashylýynda sóz sóılegen aımaq basshysy.
Ortalyq 500 m2 alańǵa ornalasqan jáne 75 orynǵa eseptelgen. Montessorı ádisimen sertıfıkattalǵan oqytýshylar bir jastan alty jasqa deıingi balalarǵa tálim beredi.
Ortalyq ókilderiniń aıtýynsha, negizgi maqsat - balanyń tulǵa erekshelikteri men daǵdylarynyń qalyptasýyna múmkinshilik týǵyzý jáne de ıntelektýaldyq, jeke bas qasıetteri men fızıologııalyq damýyn júzege asyrý bolyp tabylady. Iаǵnı tárbıe jáne bilim berý prosesi únemi qatar júredi. Jumys jasaý barysynda balanyń jas erekshelik psıhologııasy, damý prosesiniń psıhofızıologııalyq zańdylyqtary eskerile otyryp, árbir balaǵa erekshe kózqaraspen qarym - qatynas jasalady.
Sonymen qatar, búldishinderdiń jan-jaqty damýy úshin shahmat, mentaldy arıfmetıka, zýmbakıds oıyndary jáne qazaq, aǵylshyn tilderi úıretiledi.
Satybaldy Sáýirbaev, "Egemen Qazaqstan".
Aqtóbe.
