Elordada jańajyldyq shyrsha ótti

«EKSPO jańajyldyq shamdary» ataýymen elordanyń Oqýshylar saraıynda el Prezıdenti Nursultan Nazarbaevtyń atynan balalardyń shyrsha toıy ótti. Jańajyldyq shyrshaǵa 200-ge jýyq bala qatysty, sonyń ishinde, 9-13 jas aralyǵyndaǵy ata-ana qamqorlyǵynan aıyrylǵan, múmkindigi shekteýli, az qamtylǵan jáne kóp balaly otbasylardan shyqqan balalar, daryndy oqýshylar bar. 27 jeltoqsanda saǵat 11:00-de Oqýshylar saraıynda Astana ákiminiń atynan jańajyldyq shyrsha ótedi. Sharaǵa ata-ananyń qamqorlyǵynan aıyrylǵan, múmkindigi shekteýli, az qamtylǵan jáne kóp balaly otbasylardan shyqqan balalar, daryndy oqýshylar, barlyǵy 300-ge jýyq búldirshin qatysady. Búgingi kúni Astanada jetim qalǵan jáne ata-ananyń qamqorlyǵynan aıyrylǵan 989 bala bar, 590 bala qamqorlyqqa alynǵan, 72-si patronattyq tárbıe alýda. Al jetim balalarǵa arnalǵan mekemelerde 327 bala turyp jatyr.