Astanada 5 myń adam jumysqa ornalastyryldy

Qalalyq máslıhatta qoǵamdyq tyńdaý ótip, onda «Jumyspen qamtý jol kartasy - 2020» baǵdarlamasy sheńberinde elordada jumyssyzdyq deńgeıin tómendetý boıynsha jumystyń nátıjeleri qaraldy. Osy jyly baǵdarlamany iske asyrý qorytyndylaryn qalalyq jumyspen qamtý, eńbek jáne áleýmettik qorǵaý basqarmasy basshysynyń mindetterin atqarýshy Artem Ábildınov baıandady. Onyń aıtýynsha, 2016 jyly «Jumyspen qamtý jol kartasy - 2020» baǵdarlamasy eki baǵyt boıynsha iske asyrylýda: «Infraqurylymdy jáne turǵyn úı-kommýnaldyq sharýashylyqty damytý esebinen jumyspen qamtý» jáne «Oqytý arqyly jumysqa ornalasýǵa kómektesý jáne jumys berýshiniń qajettilikteri sheńberinde kóshirý». «Baǵdarlamany qarjylandyrý kólemi 3 mlrd 559,1 mln teńgeni quraıdy. Sonyń ishinde, respýblıkalyq bıýdjet esebinen – 3 mlrd 46,7 mln teńge jáne jergilikti bıýdjetten – 512,4 mln teńge. Igerý – 95%», – dedi A. Ábildınov. Qalalyq jumyspen qamtý, eńbek jáne áleýmettik qorǵaý basqarmasynyń málimetterine sáıkes, 2016 jyldyń 1 jeltoqsanyndaǵy jaǵdaı boıynsha baǵdarlamanyń 4926 qatysýshysy jumysqa ornalastyryldy, sonyń ishinde 3554-i  turaqty jumysqa, 661-i  jastar tájirıbesine, ınfraqurylymdyq jobalar sheńberinde - 590, áleýmettik jumys oryndaryna 121 adam ornalastyryldy.