Abel Sanches: Golovkın Andre Ýordty nokaýtpen jeńe almaıdy

Gennadıı Golovkınniń jattyqtyrýshysy Abel Sanches qazaqstandyq boksshyǵa laıyqty qarsylas bola alatyn sportshylardyń tizimin atady. Bul týraly vesti.kz habarlady. «Osyǵan deıin aıtqanymdaı, 154 fýnt salmaqtan 168-ge deıin kóterilgen kez kelgen boksshy Golovkınge 12 raýnd qarsy tura almaıdy. Bálkim, Andre Ýordty, Hýlıo Sezar kishi Chavesti, Karl Forchty nokaýtpen jeńe almas, biraq qalǵandary laıyqty túrde judyryqtasa almaıdy. Bul úsheýiniń denesi de iri, ózindik stılderi de qalyptasqan. Al ózgeleri kezdesýdi sońyna deıin jetkize alady degenge óz basym sene qoımaımyn», – dedi Sanches. Ol sondaı-aq, álemdik arenada aty shyqqan kóptegen boksshylardyń Golovkındi jekpe-jekke shaqyrǵanmen, is júzine kelgende bul pikirlerinen aınyp jatatyndyǵyn atap ótti. «Nıet tanytqan boksshylarmen jekpe-jek ótkizý ǵana qolymyzdan keledi. Kóbi Gennadıı jaıly bylapyt sózder aıtqanmen, Tom Lefflerge (GGG-diń promoýteri) qońyraý shalýǵa eshkimniń júregi daýalamaıdy. Facebook, twitter arqyly kezdesý uıymdastyrýdyń ornyna is júzinde kórsetýi tıis. Golovkın kimge bolsyn qarsy turýǵa daıyn», – dedi ol. Aıta keteıik, 2017 jyldyń 18 naýryzynda Nıý-Iork qalasynda Golovkın men amerıkalyq Denıel Djeıkobs judyryqtasady.