Jeltoqsan týraly jańa jınaq

Jeltoqsan oqıǵasynyń tarıhı máni men halyqaralyq saıa­sı mańyzy Astanada, qa­zan aıynyń aıaǵynda bolǵan ǵylymı-praktıkalyq konferensııada joǵary deńgeıde saraptalǵan bolatyn. Onyń jumysyna otan­dyq ǵalymdar men saıasatkerlerden basqa jıyrmadan astam elderden kelgen sarapshylar men mamandar, burynǵy memlekettik basshy qyzmette bolǵandar jáne ǵylymı-zert­teý uıymdarynan kelgender qatysty. Mine, osy halyqaralyq ǵy­lymı-praktıkalyq konferensııada sóılengen barlyq sóz­der men aıtylǵan oılar uıym­dastyrýshylardyń eren eńbek­teriniń arqasynda As­tana qalalyq ishki saıasat de­partamentiniń qoldaýymen «Qazaq­standaǵy Jeltoqsan (1986) kóterilisiniń tarıhı jáne halyqaralyq mańyzy» degen atpen jýyrda 500 bettik je­ke jınaq bolyp shyqty. О́t­ken juma kúni L.N.Gýmılev atyndaǵy Eýrazııa ulttyq ýnı­versıtetinde osy kitaptyń tusaý­keser rásimi boldy. Sharany osy ýnıversıtettiń professory Zııabek Qabyldınov ashyp, júrgizip otyrdy. Súıekti basylym bir myń danalyq tırajben shyqqan. Shyǵyp sóılegenderdiń bári de osyn­shalyq qundy eńbek­tiń jaryq kórýin uıym­dastyrǵandarǵa shynaıy alǵys­taryn aıtty. Endi ony aǵylshyn tiline aýdarý máselesi alda tur. Sonymen qatar, «Jeltoqsan» atty saıt ashý mindeti de kún tártibine engizilgen. Konferensııaǵa qa­ty­sýshylar 9-synyptyń tarıh oqýlyǵyndaǵy Jeltoqsan kóterilisi týraly materıaldyń shaǵyn ǵana ekenin eskerip, Bilim jáne ǵylym mınıstrligine ony arnaıy paragraf qylyp engizý týraly usynys jasaǵan. Sondaı-aq, jyl saıyn «Jeltoqsan oqýlary» ótkizilip turýy qajettigi de aı­tylǵan. Zııabek Qabyldınov óz sózinde Jeltoqsan kóterilisiniń 30 jyldyǵyna arnalǵan sharalar týraly da jınalǵandardy habardar etti. Sonyń ishinde Astana qala­synyń ákimi Áset Isekeshev jeltoqsandyqtarmen kezdesý ótkizip, olarǵa merekelik medaldar tapsyrǵany, Almatyda bolǵan sharalar qala ákimi Baýyr­jan Baıbektiń qatysýymen ótkeni, al Aqtóbe qalasynda Qaırat Rysqulbekovke eskertkish ashyl­ǵany aıtyldy. Sóıtip, HH ǵasyr­dyń aıaǵynda qazaq sanasyn dúr silkintken oqıǵanyń ekinshi ómiri jańa qyrǵa shyǵyp, qaryshty qadamǵa basqandaı boldy. Jaqsybaı SAMRAT, «Egemen Qazaqstan»