Ústel tennısinen «Samuryq» ashyq biryńǵaı lıgasy osymen úshinshi jyl qatarynan uıymdastyrylyp otyr. Is-sharany «Astana» ústel tennıs klýby» qoǵamdyq birlestigi ótkizip keledi.
Bıyl jarysqa 16 komanda qatysty. Olardyń arasynda memlekettik jáne memlekettik emes uıymdar, ulttyq kompanııalar jáne olardyń enshiles uıymdary, dene shynyqtyrý jáne oqý oryndary qurǵan klýbtar, kommersııalyq jáne kommersııalyq emes kásiporyndar, sondaı-aq Pavlodar, Qaraǵandy, О́skemen, Kókshetaý, Petropavldan birqatar sportshylar baq synady.
Joǵaryda aıtylǵan komandalardyń quramynda Harechko Margarıta, Gerasımenko Gennadıı, Pahno Maksım, Sadyqov Almaz, Ysqaqov Asqat, Jýkova Darıa syndy ústel tennısiniń maıtalmandary qatysty.
3 qyrkúıek pen 24 jeltoqsan aralyǵyndaǵy týrnır «Nazarbayev University» jáne «Dınamo» dene shynyqtyrý-sport qoǵamy ǵımarattarynda ótti.
Chempıonat tartysqa toly ótti. Tek play off kezeńinde ǵana jeńimpazdar anyqtaldy.
Fınaldyq kezeńde altyn júldeni «Báıterek» komandasy jeńip alsa, týrnırlik kestede ekinshi orynǵa «Ersul jáne K» JShS ujymy jaıǵasty. Al qola júldege «Qazaqstan» RTRK» AQ qol jetkizdi. Sonymen qatar, úzdik oıynshy ataǵyna «QazMunaıGaz» AQ atynan qatysqan Pahno Maksım ıe boldy.
Týrnır kelesi jyldyń mamyr aıynda jalǵasyn tabady. Oǵan birqatar ózgerister engizilý josparlanyp otyr.
