Forbes: Alvares Golovkınmen kezdesýden bas tartyp, bedeline nuqsan keltirdi

Forbes basylymynyń pikirinshe, birinshi orta salmaqta WBO nusqasy boıynsha álem chempıony meksıkalyq Saýl «Kanelo» Alvares (48-1-1, 34 KO) qazaqstandyq boksshy Gennadıı Golovkınmen (36-0, 33 KO) jekpe-jek ótkizýden bas tartamyn dep bedeline nuqsan keltirip aldy. Bul týraly vesti.kz habarlady. Degenmen, meksıkalyq boksshy 2016 jylǵy MVP reıtınginde Golovkınnen alǵa shyqqan bolatyn. «Kanelo» biraz aqsha tapty, biraq Gennadıımen judyryqtasýdan bas tartyp, bedeline nuqsan keltirip aldy. Buǵan qosa, Mıgel Kottomen kezdesýi PPV satylymynda kórsetkishi 900 myń eýroǵa, Amır Hanmen bolǵan kezdesýi 600 myńǵa, al Lıam Smıtpen kezdesýi 300 myńǵa túsip qaldy. Ol óz abyroıyn qalpyna keltirý úshin biraz ter tógýi tıis», – dep jazady Forbes. Aıta keteıik, qos boksshynyń arasyndaǵy aıqas 2016 jyly ótýi tıis bolatyn. Biraq «Kanelo» mamyr aıynda orta salmaqtaǵy WBC belbeýinen óz erkimen bas tartyp, salmaǵyn birinshi orta salmaqqa aýystyrǵan. Degenmen, Golovkın men Alvares arasynda 2017 jyldyń qyrkúıek aıynda kezdesý ótkizý týraly aýyzsha kelisim bar. Buǵan deıin meksıkalyqtyń Gennadıımen urys ótkizýdi josparlaǵany habarlaǵan. Basty másele qarjy jaǵdaıyna tirelip tur.