Ulttyq qaýipsizdik komıtetiniń burynǵy tóraǵasy ustaldy

Qazaqstan Respýblıkasy Ulttyq qaýipsizdik komıtetiniń burynǵy tóraǵasy Nartaı Dútbaev ustaldy dep habarlaıdy Qazaqparat QR UQK baspasóz-qyzmetine silteme jasap. QR Ulttyq qaýipsizdik komıteti memlekettik organdardyń birqattar qyzmettik tulǵalaryna qatysty sotaldy tergeý júrgizip jatyr. "Jedel-tergeý sharalary barysynda QR QK 185-babynyń 3-tarmaǵy "Memlekettik qupııany jarııa etý" jáne 362-babynyń 3-tarmaǵy "Bılik pen qyzmettik babyn asyrý" boıynsha Dútbaev Nartaı Nurtaıuly, Hasen Nurlan Bolatuly jáne Nurtaev Erlan Súıimbaıuly ustaldy", - delingen habarlamada. Sonymen qatar, osy atalǵan tulǵalardyń Qazaqstan Respýblıkasy Qylmystyq-prosestik kodeksiniń 128-babynyń tártibinde UQK ýaqytsha ustaý ızolıatoryna qamalǵany habarlandy. Kúdiktiler men olardyń týystarynyń turǵylyqty meken-jaıy boıynsha tintý jumystary júrgizildi, zattaı aıǵaqtar tárkilendi. Tergeý jalǵasyp jatyr, onyń barysy men qorytyndysy qosymsha habarlanady eken. Aıta keteıik, Nartaı Dútbaev 2001-2006 jyldar aralyǵynda UQK tóraǵasy qyzmetin atqarǵan bolatyn.