Búgin «Egemenniń» redaksııasyna arnaıy kelgen Aýǵan soǵysy ardagerler uıymdarynyń «Qazaqstan ardagerleri» qaýymdastyǵynyń tóraǵasy, Májilis depýtaty Baqytbek Smaǵul ujymdy batyr babamyz Baýyrjan Momyshuly atyndaǵy «Namys» tósbelgisimen marapattady. «Elge súbeli eńbek sińirgen, qalam ustaǵan, eldiń namysyn, rýhyn kótergen, yntymaqqa shaqyrǵan «Egemen Qazaqstan» ujymyna osy tósbelgini kýáligimen tabystaımyn. Rýhty bıik ustap, el dep, jer dep júre berińizder!», - dedi ol óz sózinde.
Sonymen qatar Baqytbek Smaǵúl «Egemen Qazaqstan» kitaphanasyna Baýyrjan Momyshulynyń «Qaharman», Aýǵan týraly «Taǵdyr tozaǵy» degen kitaptaryn, Sabyr Raqymovtyń Uly otan soǵysynyń 70 jyldyǵyna arnap shyǵarylǵan derekti fılmin syıǵa tartty.
