О́zekti máseleler óz sheshimin tabýda

Elimizdiń barlyq óńirlerinde «Qazposhta» bólimsheleri jańartý baǵdarlamasynan ótpek. «Samuryq-Qazyna» ál-aýqat qorynyń trans­formasııalaý baǵdarlamasy aıa­synda alǵa qoıǵan maqsaty – 100 bólimshe tutynýshylaryna qolaıly jaǵdaı jasaý. El egemendiginiń jıyrma bes jyldyǵyna oraı uıymdastyrylyp jatqan joba aıasynda Syr eli jańa qyzmetterge qol jetkizýde. Bul rette, qoldaný­shylardyń talaptary eskerilgenin aıta ketken jón. Máselen, jurt­shylyqtyń biraz bóligi kezekte turǵan ýaqyttyń kóptigin aıtqan bolatyn. Endigide sálemdemelerdi kezeksiz, tipti kez kelgen ýaqytta alý múmkindigi usynylmaq. Tutynýshylarǵa qolaıly bolý úshin «sálemdemeler sýper­marketi» iske qosylady. Bul degenimiz, sálem-saýqat kelgen tur­ǵynǵa SMS-habarlandyrý jiberiledi, keıin ol óz poshta bólim­­shesine ótip, bar bolǵany bir­neshe mınýttyń ishinde kezeksiz óz zattaryn ala alady. «Qazirgi ýaqytta korporatıvtik klıentterimiz úshin arnaıy aımaq ashý josparlanýda. Sonymen qatar, bankomat, termınal men postomat qurylǵylarmen tolyq qamtylǵan, 24 saǵat qyzmet kór­setetin óz-ózine qyzmet kórsetý aımaǵy da iske qosylmaq», deıdi «Qazposhta» AQ Qyzylorda fı­lıa­ly­nyń dırektory Ánýarbek Ábdimomynov. Qajetti qurylǵylardyń barlyǵymen qamtylǵan ózine ózi qyzmet kórsetý men sálemdemeler sýpermarketi tutynýshylardyń biraz ýaqyt boıy shaǵym túsirgen «kezek kútý» máselesiniń birden-bir sheshimi bolyp otyr. Sonymen qatar, baılanys bólim­sheleriniń barlyǵy da biryń­ǵaı elektrondy kezek júıesi­men, beınebaqylaý jáne órt qaýip­sizdigimen qamtamasyz etilmek. Kóńilge qonar ıgi bastamalardyń taǵy bireýi – múmkindigi shekteýli jandar men sábıli kelinshekter úshin qolaıly jaǵdaı jasaý. Jańartylǵan  bólimder valıýta aıyrbastaý, aqsha aýdarym­daryn júrgizý kassalarymen de qam­tylmaq. Halyq ıgiligine qyzmet etýdi negizge alǵan «Qazposhta» AQ ókilderi áli de ózgerister oryn alaryn jetkizdi. Al jeke tulǵalar men kor­pora­tıvtik klıentter úshin arnaıy aımaqtar qarastyrylǵan. Buryn poshta qoldanýshylary belgili bir qyzmet úshin aıtarlyqtaı ýaqytyn joǵaltatyn bolsa, endi ózine tıimdi kezde kelip, qajet­ti jumystaryn birneshe mınýt ishinde iske asyra alady. Osy tektes jumystar áli de jalǵasyn tabady. Klıentterdiń talabyna jaýap berýge tyrysatyn «Qazposhta» AQ-tyń alǵa qoıǵan maqsattary mol. Azıza ELEMAN  QYZYLORDA