«Atamekenge» jaýapkershilik júktedi

«Atameken» ulttyq kásipkerler palatasynyń basqarma tóraǵasy Abylaı Myrzahmetov Memleket basshysy Nursultan Nazarbaevtyń «Qazaqstannyń úshinshi jańǵyrýy: jahandyq básekege qabilettilik» atty Qazaqstan halqyna dástúrli Joldaýyna baılanysty brıfıng ótkizdi. О́z sózinde ol bas qujattaǵy bes negizgi baǵyttyń barlyǵyna kásipkerliktiń qatysy baryn basa aıtty. Sonymen qatar, «Atamekenniń» óz aldyna derbes qalyptasqan ınstıtýt retinde Joldaýǵa arqaý bolýy úlken jaýapkershilik júkteıtindigin jetkizdi. «Elimizde jappaı kásip­ker­­likti damytýǵa Úkimet pen «Atameken» birlesip, lısenzııa, ruq­­sat qaǵazdaryn qysqartý ar­qyly septigin tıgizýde. Biraq jer­gilikti atqarýshy organdar áleý­mettik salaǵa kóbirek den qoıyp, kásipkerlikti órkendetý ja­ǵy kemshin soǵyp jatyr. О́ńir­­lerde jer telimderiniń ká­­sipkerlerge esh kedergisiz, qa­­ǵazbastylyqsyz, jarııa túr­de berilýi álsiz júrýde. О́ki­nish­ke qaraı, onlaın alańdar du­rys jumys istemeıdi», dedi Abylaı Myrzahmetov. Bas­qar­ma tóraǵasynyń sózinshe, ákim­dik­ter qurylys salýǵa qajet qu­jattardy alýdy kúrdelendirip ji­­bergen. Keıbir salyq túr­le­rinen tys, eldegi alpysqa jýyq ındýstrııaldyq aımaq pen áleý­met­tik-kásipkerlik korporasııa­lar qyzmeti bıznesmenderdiń kó­ńilinen shyqpaıdy. «Ákimdikterdiń qolynda ká­sip­kerlerge kómegi tıetin a­ý­qy­m­dy da san alýan qýatty qu­raldar bar. Alaıda, bular pár­mendiligin baı­­qatpaýda. Orta­lyqtan ke­le­tin shaǵyn ne­sıeni bólýdi de ákimdikter she­shedi», degen A.Myrzahmetov «Atamekenniń» byltyr bir­qatar óńirde shaǵyn ne­sıe­leý baǵdarlamasyn ta­bys­t­y atqarǵan tájirıbesin atady: «О́tken jyly alty oblysta pı­lot­t­yq jobalardy júzege asyr­dyq. Ásirese, Mańǵystaý ob­ly­synda jergilikti bıýdjetten qar­jy bólinip, kásipkerlikke oń bet­burys ańǵaryldy. Mu­naı­ly óńirde «bir tereze» us­ta­ny­my­men jańa ortalyq ashyldy». Basqarma tóraǵasy bas qu­jat­ta bıznes-qaýymdastyqqa júk­telgen mindetterge naq­ty­­raq toqtalyp, bylaı dedi: «Qazaq­stan­nyń strategııalyq maq­satynda 2050 jylǵa ishki jal­py ónimdegi shaǵyn jáne orta bıznestiń úlesi keminde 50 paıyz bolýyn kózdeıdi. Sony­men qatar, Joldaýda tikeleı «Atameken» Ulttyq kásipkerler pa­la­tasynyń atyn atap, arnaıy tapsyrmalar berýi, shaǵyn ne­sıe berý aıasyn keńeıtip, ká­sip­­kerlerge qyzmet kórsetý te­tik­­­terin belsendi paıdalaný, bız­­­nes júrgizý jáne qarjylyq sa­ýat­tylyqqa úıretý isin uıym­das­­tyrý máseleleri de qamtylyp otyr­ǵany úlken jaýapkershilik júkteıdi». A.Myrzahmetovtiń aıtýyn­sha, UKP óńirlerde bıznes júr­gizýge baǵyttalǵan aǵar­tý­shylyq-beıimdeýshilik ju­mys­ta­ryn júrgizetin bolady. Ná­tı­­jeli jumyspen qamtý jáne jap­­paı kásipkerlikti damytýdyń mem­­lekettik baǵdarlamasy aıa­syn­da «Bastau Bıznes» jobasyn iske qosyp, 14 oblystyń 80 aý­da­nynd­a arnaıy oqý kýrsyn ót­kizedi. Baspasóz máslıhatynda ká­sip­kerlerge «bir tereze» qa­ǵı­da­­symen jumys isteıtin orta­lyq­­tar arqyly kómek kórsetý má­­selesi, óz isin bastaımyn degen az­a­mattardy qaǵazbastylyqtan ary­l­­týǵa septesetin «Atameken Services» qosymshasy týra­ly sóz boldy. Sondaı-aq, «Ata­me­ken» UKP tarapynan jap­paı ká­­sipkerlikti, sonyń ishin­de ot­ba­­sylyq kásipkerlikti da­mytý ba­ǵytynda, memleket-je­ke­men­shik seriktestigi aıasyn ke­ńeı­tý­ge arnalǵan jumystar ke­sheni uıym­dastyrylatyndyǵy aı­ty­l­dy. Ashat RAIQUL, «Egemen Qazaqstan»