Urpaq tárbıesine erekshe toqtalǵan

Asa qamqor erekshe meıirimdi Allanyń atymen bastaımyn! Elbasynyń «Qazaq­stan­nyń Úshinshi jańǵyrýy: ja­handyq básekege qabi­let­tilik» atty halyqqa Jol­daýynda el ekonomıkasyn órkendetip qana qoımaı, bilimdi damytý, rýhanııatymyzdy jańǵyrtý, qaýipsizdik sharalaryn kúsheıtý, dinı ekstremızmniń aldyn alý, qylmystyq jazasyn ótep jatqan azamattardy teologııalyq turǵydan saýattandyrý máseleleri aıtyldy. Memleket basshysy óskeleń urpaqty óz betimen izdenýge úndep, osy baǵytta oqytý baǵdarlamalaryn jetildirýdi tapsyrdy. Sonymen qatar, zamanaýı tehnıkalyq bilimdi, qarjylyq saýat­tylyqty, ultjandylyqty damytýǵa basa kóńil bólý qajettigin sóz etti. Elbasy halyqqa Jol­daýynda: «Dinı ekstremızm­di nasıhattaýdyń aldyn alý, ásirese ınternet pen áleý­mettik jelide onyń jolyn kesý jumysyn júr­gi­zý kerek», dep atap ótti. Rasynda, keıbir aza­mat­­tardyń dinı teris maǵlu­mat­tardy sheteldik saıttardan alyp, sheteldik ǵalym­dar­dyń pátýasymen júrýdi ańsaıtyny jasyryn emes. «Jıhad» uǵymyn durys túsinbeı, qarý ustap, shet el asyp jatqan keıbir jastardyń shetel­dik saıttar men áleýmettik jeli­lerden dinı bilim alatyny belgili bolyp otyr. Osy turǵydan alǵanda, Elba­synyń ǵalamtor arqyly dinı mazmunda teris málimetter taratatyn aqparat kózderiniń jolyn kesý týraly sózi der kezinde kóterilgen másele der edim. Joldaýda Memleket basshysy óskeleń urpaqty ultjandylyqqa tárbıeleý qajettigin basa aıtty. Bul – asa mańyzdy is. О́ıtkeni, ultjandy azamat óz ulty men otanyna, dinine qııanat jasamaıdy. Biz, túrli salanyń jetekshileri halyqtyń birligi men yntymaǵyna syzat túsiretin kez kelgen qoǵamdyq búlikke jol bermeýimiz qajet. Terrorızm men ekstremızmge birtutas halyq bolyp qarsy turýymyz kerek. Nursultan Ábishuly «Qazaqstannyń Úshinshi jańǵyrýy: jahandyq básekege qabilettilik» atty Joldaýynda óskeleń urpaqty rýhanı-adamgershilik rýhynda tárbıeleý úshin qosymsha qadamdar jasaý jáne bul iske dinı birlestikterdi belsendi túrde tartý qajettigine erekshe toqtaldy. Rasynda, búgingi aǵa býyn men olardyń izin basyp kele jatqan orta býyn ókilderiniń negizgi mıssııasy – jastardyń kókirek kózin ashý, rýhanı dúnıetanymyn baıytý jáne olarda memleketshil ári ultjandy urpaq sabaqtastyǵyn qalyptastyrý. Mektep muǵalimi balaǵa sabaq berýmen qatar, ony izgilikke baýlysa, ata-ana uly men qyzynyń tárbıesin jiti qadaǵalasa, din qyzmetkerleri kór­kem ýaǵyzdarymen ımandylyqqa uıyt­sa, qarııalarymyz ben zııaly qaýym ókil­deri tálimin aıtsa, óskeleń jastar kór­geni men estigenine amal etetin bolady. О́resi bıik, paıymy keń, salmaqty, baıypty, ımandy urpaq ulttyń uly maqsaty men muratyn oryndaýǵa úlken úles qospaq. Halyqqa joldanǵan qujatta kór­setilgen tapsyrmalar men mindetterdi jurt bolyp jumylyp, júzege asyrýy­myz qajet. Alla taǵala elimizge amandyq, jurtymyzǵa tynyshtyq, halqymyzǵa birlik pen bereke násip etkeı! Áýmın! Erjan qajy MALǴAJYULY, Qazaqstan musylmandary dinı basqarmasynyń tóraǵasy, Bas múftı