Aqyn Esken Elýbaev qaıtys boldy

Qazaqtyń belgili balalar aqyny Esken Elýbaev qaıtys boldy, dep habarlady QazAqparat. «Belgili balalar aqyny Esken Elýbaı aǵamyz qaıtys boldy. Qoshtasý rásimi erteń 10:00-de Jazýshylar odaǵynda bolady», ­- dep jazdy Qazaqstan Jazýshylar odaǵynyń múshesi, satırık Beıbit Sarybaı Feısbýk paraqshasynda Esken Elýbaev 1942 jyly 18 aqpanda Jambyl oblysy Qordaı aýdanyndaǵy Otar stansasynda týǵan. 1958 jyly Otar stansasyndaǵy №29 temirjol orta mektebin bitirgen. QazMÝ-diń fılologııa fakýltetin 1966 jyly tamamdaǵan. 1966 jyldan bastap «Qazaqstan pıoneri» (qazirgi «Ulan») gazetinde, «Jalyn», «О́ner», «Balaýsa» baspalarynda jáne «Baldyrǵan» jýrnalynyń bas redaktorynyń orynbasary bolyp qyzmet istegen. Eń alǵashqy óleńi 1958 jyly respýblıkalyq «Ara» jýrnalynda jarııalandy. Negizinde aqyn shyǵarmashylyǵyn balalar taqyrybyna arnady. Onyń «Bolatbek» pesasy respýblıkalyq qýyrshaq teatrynda qoıylǵan. Halyqaralyq «Alash» ádebı syılyǵynyń laýreaty (1994). Ulttyq «Astana – Báıterek» konkýrsynyń eki márte júldegeri (2007-2008), Halyqaralyq «Daraboz» báıgesiniń ekinshi júldegeri (2008). «Qazaqstan Táýelsizdigine 10 jyl» medalimen marapattalǵan, Memlekettik grant ıegeri bolǵan. Qyryqtan astam kitaby qazaq jáne orys tilderinde jaryq kórgen. «Balabek», «Asar» pesalary respýblıkanyń kóptegen teatrlarynda qoıylyp keledi. «Saǵan kúshik kerek pe?» kınofılmi avtordyń pesasy boıynsha túsirilgen. Shyǵarmalary qazaq jáne orys mektepterine arnalǵan oqýlyqtarǵa engen. Shyǵarmalary: Kók jeıde. О́leńder. A., «Jazýshy», 1967; Kókpar. О́leńder. A., «Jazýshy», 1970; Balamysyń degen. О́leńder. A., «Jalyn», 1981; О́jet. Pesalar, taqpaqtar. A., «О́ner», 1984; Kto sılnee? Stıhı. A., «Jalyn», 1984.