Shyǵarma arqaýy – táýelsizdik

Keshe Oral qalasyndaǵy Dostyq úıinde aımaqtyq qoǵamdyq keńes pen oblystyq bilim basqarmasy birlesip uıymdastyrǵan mektep, kolledj jáne kásiptik tehnıkalyq mektep oqýshylary arasynda táýelsizdik taqyrybyna jazylǵan shyǵarmashylyq jumystardyń qorytyndylary shyǵaryldy. Bul jóninde aımaqtyq keńestiń saraptamalyq-taldaý bóliminiń bas keńesshisi Aısulý Muqataeva gazet tilshisine bylaı dep habarlady. Shyǵarma jumystaryn jazýǵa oblystaǵy orta mektepterdiń 7-11 synyptarynda jáne kolledjder men kásiptik-tehnıkalyq mektepterde bilim alatyn oqýshylar qatysty. Shyǵarmaǵa qazaq mektepterinde oqıtyn ózge etnos ókilderiniń ul-qyzdary da qatysyp, baq synady. Osy qaýyrsyn qanat shyǵarma ıeleriniń arasynan 8 jumys iriktelip alynyp óńirlik kezeńniń jeńimpazdary dep tanyldy. Olardyń bárine uıymdastyrýshylar atynan marapattaý qaǵazdary tapsyryldy. Biz osy konkýrsta shyǵarmasy úzdik dep tanylǵan Oral tehnologııalyq kolledjiniń oqýshysy Ekaterına Vologınany sózge tartqan kezde ol bizge jazǵan jumysynyń joǵary baǵalanǵanyna óte qýanyshty ekenin jetkizdi. Táýelsizdik – bizdiń eń basty qundylyǵymyz. Al Qazaqstan – bárimizdiń ortaq otanymyz. Egemen elimizdiń odan ári ósip-órkendeýine óz úlesimizdi qosýdy basty paryzymyz dep sanaımyz. Biz óz elimizdi maqtan etemiz. Onyń bir kirpishi bolyp qalanýǵa ázirmiz. Men shyǵarmamda táýelsizdik jónindegi osy oı-pikirlerimdi jazyp kórsetken edim. Bul eńbegim qazylar alqasy tarapynan úzdik dep tanylǵan eken. Men buǵan sheksiz rızamyn dedi respýblıkalyq konkýrstyń óńirlik kezeńiniń jeńimpazy. Temir Qusaıyn, «Egemen Qazaqstan» ORAL