Keshe japon sýretshisi Tomoko Hoýkıoniń Atyraýdaǵy Renaissance qonaqúıinde jeke kórmesi ashyldy. Ol budan eki jyl buryn Astanadaǵy Qazaqstan Respýblıkasynyń Tuńǵysh Prezıdenti mýzeıinde «Japon sulýlyq álemi» atty alǵashqy sýret kórmesin ótkizgen.
Sýretshi sońǵy úsh jyldan beri Atyraý qalasynda turady. О́ziniń týyndylaryn japonnyń klassıkalyq keskindeme janrynda salady. Buryn óz týyndylaryna Kúnshyǵys eliniń ásem tabıǵatyn keskindeý úshin tastar men jańǵaqtardy da paıdalanyp kelgen.
«Sońǵy jyldary álemde túrli jan shoshytarlyq janjaldar kóbeıip, onyń zardabyn tabıǵat, áserese, balalar kórip jatyr. Alaıda, beıkúná búldirshinderdiń jan daýysyn estýge eshkim nazar aýdarar emes. О́z shyǵarmalarymda olardyń perishtedeı tunyq beınesin salý arqyly beıbitshilikti saqtaýǵa úles qosýdy kózdedim», – dedi Tomoko Hoýkıo.
«Qaıǵy joly» dep atalǵan Atyraýdaǵy bul kórmesine 14 kartınasy qoıyldy. Olar jibekten jasalǵan arnaıy qaǵazǵa salynǵan. Kópshiliginde balalar beınelengen. Arasynda aldaǵy ýaqytta Japonııanyń «Shoýdzıýın» býdda ǵıbadathanasynyń ishki kúmbezine ornalastyrylatyny kózdelgen 4 kartınasy da bar.
Joldasbek ShО́PEǴUL,
«Egemen Qazaqstan»
