Kásibı-tehnıkalyq bilimge nazar aýdarý kerek - Starr

Astanada búgin "Qazaqstan Respýblıkasynyń Táýelsizdigine 25 jyl: nátıjeler, jetistikter, keleshek kókjıegi" atty halyqaralyq konferensııa ótip jatyr. Oǵan álem elderiniń jetekshi saıasatkerleri qatysýda. Solardyń biri - Fınlıandııa parlamenti tórǵasynyń birinshi orynbasary Maýrı Pekkarınen eki el arasyndaǵy mádenı baılanystar týraly aıtty. "Qazaqstan táýelsizdik alǵan jyldardan bastap eki el mádenı baılanystaryn kúsheıtti. Táýelsiz Qazaqstan basshysy 1992 jyly bizdiń elge alǵashqy saparymen kelgen edi. Sol kezde syılanǵan jylqy Fınlıandııada uzaq ómir súrdi. Ony kórip, kópshiligi atqa minýdi úırengisi keldi. Sol kezden bastap eki el bilimmen de, tájirıbemen de almasyp kele jatyr", - dedi Maýrı Pekkarınen.   Forým barysynda Dj. Hopkıns ýnıversıtetiniń Ortalyq Azııa ján Kavkaz boıynsha ınstıtýttyń tóraǵasy Frederık Starr Qazaqstannyń aldaǵy 25 jyldaǵy damý jolyn boljady. Sarapshynyń aıtýynsha, tabysty el bolý úshin ekonomıkany reformalaý qajet. "Qazaqstan tabysty el bolý úshin ekonomıka myqty bolýy kerek. Mysaly, 10 jyldan keıin shaǵyn jáne orta bıznes kóbeıse, dúkender men "Han Shatyr" sekildi oryndardyń ıesi sheteldikter emes, qazaqstanyqtar bolsa, jaqsy bolýshy edi", dedi Starr. Sonymen qatar ol kásibı-tehnıkalyq mamandyqtardy oqytýǵa basa nazar aýdarý kerektigin aıtty. "Qazaqstan qazir mańyzdy máselelerdi kóterip jatyr. Solardyń biri - bilim. Sonyń ishinde kásbı-tehnıkalyq bilimge nazar aýdarý kerek. Onyń qoǵamǵa bereri kóp", - dedi Starr.   Sonymen qatar sarapshy memleket halyqaralyq arenada belsendilik tanytý kerektigin aıtty.