Azattyq sımvolyn aıshyqtaıdy

Almaty jastary aıǵa jýyq Respýblıka alańyndaǵy Táýelsizdik monýmentiniń aldynda selfı jasaýdy sánge aınaldyrmaq. Jastyqqa tán jarasymdy úrdis Qazaqstan Respýblıkasynyń Tuńǵysh Prezıdenti kúnine oraı, qaladaǵy MEGA Park saýda, oıyn-saýyq ortalyǵynda stýdentterdiń fleshmobyna ulasty. «Táýelsizdik monýmentindegi selfı» 15 jeltoqsanǵa deıin jal­ǵasady. Bul bastamaǵa 1991 jyly týǵan elimizdiń tanymal óner maıtalmandary men sport sańlaqtary belsendi qatysyp, ózderiniń Táý­el­­sizdikke qosqan úlesin nası­hat­­taıdy. Osylaısha jastar azat­tyq sımvoly – Táý­elsizdik mo­nýmentinde selfı jasaý arqyly el­jandylyqty áleý­mettik jeliler arqyly jarnamalaý­dy kózdep otyr. Selfıdi táýelsizdik qurdastary – jas isker «Bugin Group» kompa­nııasynyń kommersııalyq dırektory, «Toptyres.kz» JShS dırek­tory Qýanysh Seısembaev pen «Jaıdarman» oıyndarynyń jeńimpazy, akter Nursultan Jaq­sy­genov bastap, zamandastaryna estafeta joldady. Bul is-sharalardyń tıimdi ótýine Almaty qalalyq «Jas Otan» jas­tar qanaty men «Almaty qala­lyq mýzeıler birlestigi» KMQK meke­mesi at salysýda. Árıne, aksııanyń maqsaty jaı ǵana selfı emes. Táýelsizdiktiń sımvolyndaı bolǵan monýmentke taǵzym etý, ózge jastardy da patrıottyq is-sharaǵa shaqyrý. Aksııa qatysýshysy selfı jasaı otyryp, ortaq merekege degen óziniń qurmetin kórsetip, Otanǵa degen lebizderi men tilekterin áleýmettik jelige #monýment25kaz heshtegimen salady. Aınash ESALI, «Egemen Qazaqstan» ALMATY