«Táýelsiz Qazaqstan» poıyzy «Bolashaq» beketine aıaldady

Memleket basshysynyń tapsyrmasymen táýelsizdiktiń shırek ǵasyrlyq merekesine oraı respýblıkamyzdyń alys túkpirlerindegi beketterge aıaldap, óńirlerdiń ekonomıkalyq ahýalymen, halyqtyń áleýmettik jaǵdaıymen tanysyp, olarǵa dárigerlik, kásipkerlik, áleýmettik, quqyqtyq, aýylsharýashylyq máseleleri boıynsha qabyldaý ótkizip, saýaldaryna jaýap qaıtaryp, keńes berý úshin jolǵa shyqqan «Táýelsiz Qazaqstan» poıyzy Mańǵystaý óńirinde boldy. 25 jyldyq mereke aıasyn­da 1 qarasha kúni Astana qalasynan jolǵa shyqqan poıyz 25 kún degende 25-shi beket – «Bolashaqqa» kelip jetken edi. Aldymen Jańaózen qalasyna at sýytqan olardy atalǵan qalanyń ákimdigi men turǵyndary án-jyrmen, aq dámmen qarsy aldy. Jańarǵan Jańaózendi aralatyp, qalanyń tynys-tirshiligimen tanystyrdy. Parlament Májilisiniń depýtattary, «Qazaqstan Temir Joly» UK ókilderi, Qazaqstan halqy Assambleıasynyń múshe­leri, medısına jáne áleýmettik sala mamandary, zańgerler, ózge de mamandardan quralǵan 270-ke jýyq adamy bar poıyz­dy «Bolashaq» beketiniń tur­ǵyn­dary da jyly qabyldap, máre-sáre boldy, tıisinshe olar da turǵyndarmen kezdesip, ár sala boıynsha týyndaǵan saýal­daryna jaýap qaıtardy, dá­rigerler qabyldaý júrgizip, ke­ń­es berdi. Qaraqııa aýdanynyń Bola­shaq aýyldyq okrýgi 2012 jy­ly «Bolashaq» temir jol beketi ne­gizinde qurylǵan. Elimizdiń ke­le­shegine oraılastyryp «Bo­lashaq» atanǵan beket Qa­zaqstan men Túrikmenstan she­ka­­ra­synda ornalasqan jáne onyń olaı atalýynyń da ózin­dik sebebi bar. Soltústik – Oń­­tústik halyqaralyq kólik dá­li­ziniń shyǵys tarmaǵy bolyp esep­teletin bul bekettiń kele­shekte halyqaralyq tasy­mal-ótkizgishtik áleýeti asa zor bolmaq. Qazaqstan Res­pýb­­lı­kasynyń Prezıdenti N.Na­zar­baev pen Túrikmenstan Res­pýb­lı­kasynyń Prezıdenti G.Berd­i­m­uhammedovtiń qa­tysýymen arnaıy ashylǵan bekette qazirgi tańda 516 turǵyn bar. Onyń ishinde 1 jasqa deıingi balalar sany 25 eken! Iаǵnı, el tá­ý­el­sizdiginiń 25 jyldyq mere­kesine syı retinde «bola­shaq­tyq» analar 25 balany ómirge ákelgen! Turǵyndar úshin tabıǵı gazben, aýyz sýmen jáne elektr qýatymen qamtylǵan 85 úı, 8 eki­qabatty jataqhana, 80 oryn­dyq mektep, 50 oryndyq ba­la­­baqsha, naýbaıhana men 50 adam­dyq ashana, monsha, emhana já­ne eki dúken ashylǵan. Bekette te­mir jol jelisi negizgi óndiris bo­lyp tabylady, bıylǵy 1 qyr­kúıekke deıin beket arqyly 162 poıyzǵa júktelgen 42,7, myń tonna júk eksporttalsa, 150 poıyzdyq 56,8, myń tonna júk ımporttalǵan. Bolashaq beketinde 292 temirjolshy ju­mys jasaıdy, onyń 117-si osy bekettiń turǵyny bolsa, óz­geleri Mańǵystaý oblysy men elimizdiń basqa óńirleriniń azamattary. Bekette bıýdjettik sala qyzmetkerlerin baspanamen qamtý úshin «Qoljetimdi baspana-2020» memlekettik baǵ­darlamasy aıasynda jobalyq quny 58,212 mln teńgeni quraı­tyn bes eki bólmeli úı salynyp jatyr. Bolashaq turǵyndary qo­ǵamdyq qabyldaýlarda turǵyn úı men ony zańdastyrý, aýylda dárigerlik qyzmet kórsetýdi kóterý máselelerine qatysty suraqty alǵa tartty. Poıyz dárigerlerine qaralýǵa kelgender arasynda balalardyń qarasy kóbirek boldy. – Poıyz Astanadan shyq­qan­nan beri qaraı toqtaǵan barlyq beketterde bolyp kele­min. Búgingi tańǵa deıin 80 balany qaradym. Kópshilik ata-ana balalaryn maıtabanǵa jáne urshyq aýrýyna qatysty qaratady. «Bolashaqtan» 1-2 sa­ǵat ishinde 10 balany qaradym. Qu­daıǵa shúkir, balalardan alań­datarlyq aýrýlar kezikpedi. «Bolashaqtyq «bir balaǵa tilin qaǵyp emýine, sóı­leýine kedergi keltiretin til astyndaǵy óskinge ota jasadym, – deıdi ortoped-dáriger Ádilbek Omarov. «Bolashaqtaǵy» shara odan ári mańǵystaýlyqtar uıym­das­tyrǵan «Bolashaǵymyz – bir­likte!» atty forýmmen jal­ǵa­sty. Forýmda Mańǵystaý ob­lysy ákiminiń orynbasary B.Nurǵazıeva, «Táýelsiz Qa­zaqstan» poıyzynyń shtab je­tekshisi Á.Álpeıisov bas­ta­ǵan poıyz quramyndaǵy belgili azamattar, Mańǵystaý ob­lysy­n­- daǵy aýdan, qala­lar­dyń qo­ǵamdyq kelisim ke­ńesteriniń tóraǵalary men etno­má­de­nı birlestikter ókil­deri qut­tyq­tap, el bir­li­gine, ty­ny­shtyǵyna jáne Qa­zaq­stannyń damýyna tilekterin jaý­dyrdy. О́ner­pazdar ásem ánmen ás­pet­tedi. Gúlaıym ShYNTEMIRQYZY, «Egemen Qazaqstan» Mańǵystaý oblysy Sýretti túsirgen Talant QUSAIYN