UBT-ny birneshe ret tapsyrý máselesi qaralyp jatyr

Bilim jáne ǵylym vıse-mınıstri Elmıra Suxanberdıevanyń aıtýynsha, aldaǵy ýaqytta ulttyq biryńǵaı testileýdi tapsyrý múmkindikterin barynsha arttyrý josparlanyp otyr. Sebebi «bala birden ashylmaýy múmkin», dep xabarlady QazAqparat. «Buryn ulttyq biryńǵaı testileýden ótpegender kóp shýlady. Qazir testti bir ret tapsyra almasań, ekinshi ret ótýge múmkindik bar. Ekinshi ret ótpese de, jarty jyl daıyndalýǵa bolady. Sosyn joǵary oqý ornyna túse alasyzdar. Negizi, búginde bilim mınıstrligi osy máseleni jan-jaqty zerdelep, Amerıka men Anglııadaǵy SAT sııaqty testti 9-11 ret tapsyratyndaı jaǵdaıdy qarastyryp otyr. Sebebi árbir balanyń testti qaıta tapsyrýǵa quqyǵy bar. Bala birden «ashylmaýy» múmkin. Ol alańdaıdy, qobaljıdy. Sondyqtan oǵan testti tapsyrýǵa birneshe múmkindik berilýi kerek», – dedi vıse-mınıstr Respýblıkalyq jastar forýmynyń bilim berý salasyna arnalǵan pikirtalas alańynda. E.Sýxanberdıevanyń aıtýynsha, mınıstrliktiń negizgi maqsaty – 2020 jylǵa deıin joǵary bilimi bar azamattardyń sanyn 35 paıyzǵa jetkizý.