Aıtary kóp kórme

«Astana» Ulttyq sýret galereıasynda Táýelsizdiktiń 25 jyldyǵyna jáne Tuńǵysh Prezıdent kúnine arnalǵan «Elbasy urany – Máńgilik El» atty dóńgelek ústel ótti. Osy alqaqotan áńgime aıasynda Elbasy beınelengen týyndylardan quralǵan kórme uıymdastyryldy. Is-sharaǵa qoǵam qaı­rat­keri О́mirzaq Ozǵanbaı men Prezıdenttiń beınesin sal­ǵan Amandos Aqanaev, Erlan Aı­týarov, Nurjan Qarymsaqov, Manatbek Amanbaev syndy tanymal sýretshiler qatysty. – Elbasy Nursultan Ábishulynyń strategııalyq sarabdal saıasatynyń arqa­synda Táýelsiz Qazaqstan mem­leketi qalyptasyp, tarıhymyz túgen­delip, mem­le­kettik ınstı­týt­t­ary­myz nyǵaıyp, kók baı­ra­ǵy­myz asqaqtap, ult­tyq rá­mizderimiz aıshyq­­taldy, – dedi sharany uıym­das­tyrýshylar. Sondaı-aq, jıynda egemen elimizdiń Táýelsizdik jyldaryndaǵy jetken je­tistikteri men baǵyn­dyrǵan belesteri aı­­tyldy. Osy rette qa­ty­sýshylar naryq keze­ńin­de kóregendik tanytyp, Qazaqstan halqyn ty­ǵyryqtan alyp shyqqan Memleket basshysynyń ke­­meńgerligi men táýe­kel­shildigi jaıynda áńgime órbitti. Sonymen qatar, sha­­ra sońynda Elbasynyń eren eńbegin nasıhattaýda Tuńǵysh Prezıdent kúniniń róli zor ekeni basa aıtylyp, qylqalam sheberleriniń Pre­zıdentti beınelegen týyn­­dylary jaıly sóz qoz­ǵaldy. Qonaqtar jıyn bitken soń sýret­shilerdiń qa­la­mynan týǵan Elbasy jaı­ly sýretterdi tamashalap tar­qasty. Talǵat RAIYMBEK, «Egemen Qazaqstan»