Páter kiltteri tabystaldy

Qazaqstan Respýblıkasy Ulttyq ulanynyń Bas qolbasshylyǵynda Tuńǵysh Prezıdent kúnine arnalǵan merekelik is-shara ótti. Sony­men birge, osy jıynnyń aıasynda Bas qolbasshylyqtyń áskerı qyzmet­shilerine Ulttyq ulan Bas qolbasshysy general-leıtenant Rýslan Jaq­sylyqov qyzmettik páterlerdiń kiltterin saltanatty túrde tabys etti. Memlekettik mereke – Qazaq­stan Respýblıkasy Tuńǵysh Prezı­denti kúnine arnalǵan jıynda Ishki ister mınıstri men Ulttyq ulan Bas qolbasshysynyń qoǵamdyq tártip pen memleket qaýipsizdigin qamtamasyz etýge eleýli úles qosyp, úzdik qyz­­me­timen daralanǵan áske­rı qyz­metshilerdi, yqpaldas­tyq qu­rylymdarynyń qyzmet­ker­lerin marapattaýǵa arnalǵan buı­ryqtary oqylatyn bolady. Mu­nan soń Ulttyq ulan Bas qol­basshylyǵynyń ofıserlerine qyzmettik páterdiń kiltteri saltanatty túrde tabystalatyn bolady. Áskerı qyzmetshilerdiń áleý­mettik laıyqty qorǵalýyn qam­tamasyz etý men olardy baspanamen qamtý máselesine Ulttyq ulan Bas qolbasshylyǵy udaıy basa nazar aýdaryp keledi. Bul maqsatta jyl saıyn qomaqty qarajat qarastyrylyp, jańa páterler satyp alynýda. Bıylǵy eldigimizdiń asqaq merekesi – Táýelsizdiktiń 25 jyldyǵy qarsańynda bul dástúr oń jalǵasyn taýyp, ásker tarıhynda alǵash ret 39 áske­rı qyzmetshige bir mezgilde qyz­mettik páterlerdiń kiltteri tabys etilip otyr. Bul baspanalardy satyp alýǵa respýblıkalyq bıýdjetten 900 mıllıon teńge bólingen bolatyn. Atap óterligi, bıylǵy jyly páter kiltterin Bas qolbas­shy­lyq­tyń ofıserleri aldy. Al, keler 2017-2018 jyldarǵa beki­tilgen josparǵa sáıkes, osynshama shamadaǵy baspanamen Ult­tyq ulannyń elimizdiń ár óńir­lerin­degi áskerı bólimderiniń áskerı qyzmetshilerin qamtamasyz etý qarastyrylyp otyr. Saltanatty is-shara merekelik konsertpen aıaqtaldy. Asqar TURAPBAIULY, «Egemen Qazaqstan»