Eliniń altyn dińgegi

Muhıt ústindegi seńdi eritý ońaı sharýa bolmaǵanymen, adam kókireginde jatqan arman – seńdi jibitý áldeqaıda qıyn ekenine ǵasyrlar boıǵy tarıhymyz kýá. Adam sanasyndaǵy seńdi buzyp shyǵyp, keleshekke jol ashý asqan qaıratpen táýekelshildikti boıyna darytqan, eline senimi mol, Qazaq eliniń altyn dińgegi bola bilgen, halqyn qadirlep, Otanyn ardaqtaǵan N.Á.Nazarbaevtyń ǵana qolynan keldi. О́tken ǵasyrdyń 90-jyldarynyń ba­syndaǵy Odaq taraǵannan keıingi el jaǵdaıyn bir sát eske alaıyqshy. Sol kezdegi siresken qıyndyqtardy kóre tu­ryp, jaýapkershilikti «arqalap», 17 mıllıonnan astam halqyna pana bolýyna, bel sheship kirisken azamat – Nursultan Ábishuly Nazarbaev boldy. «El bastaý qıyn emes, qonatyn jerden kól tabylady. Qol bastaý qıyn emes, shabatyn jerden el tabylady. Sharshy topta sóz bastaýdan qıyndy kórgen joqpyn», – degen eken Buqar jyraý babamyz. Elba­synyń qyl kópirdiń talaıynan taımaı ótkenine kýágermiz. Ushy-qıyry joq kedergilerdi jeńý úshin ár óńirdiń, ár sharýanyń aıyrmashylyǵyn eskere otyryp qıyndyqtardy jasyrmaı, olardy túzetý joldaryna halyqtyń kózin jetkizip yntasyn arttyryp otyrdy. Munymen qatar, táýelsizdikti baıandy etý úshin, memlekettik shekarany anyq­tap bekitý, dıplomatııalyq korpýsty qa­lyp­tastyrý, toqtap qalǵan óndiristerdi iske qosý, halyqtyń áleýmettik áleýetin jaq­sartý, zańdylyqty saqtaý, halyqtyń óz eline degen senimdiligin attyrý, mek­tep­terdiń, basqa oqý oryndarynyń úz­dik­siz jumys isteýi, jastarǵa jańa ta­lapqa saı jaǵdaılar jasaý, shetelderde oqytý, pat­rıot­tyq rýhyn kóterý, shet memleketterden ınvestısııa tartý sııaq­ty jáne t.b. má­se­le­lerdiń baıypty bolýyn qamtamasyz etý kerek boldy. Bu­lar aıtýǵa ǵana ońaı edi. N.Á.Nazarbaevpen birinshi ret júzbe-júz kezdesýimiz 1976 jyly Ázerbaıjan Respýblıkasynyń astanasy Bakýde ót­ken Búkilodaqtyq Azııa jáne Afrıka elde­rimen yntymaqtastyq komıtetiniń esep berý, saılaý sessııasynda boldy. Ses­sııaǵa delegattar: N.Nazarbaev, E.Ser­­kebaev, E.Lızýnova, Sh.Murtaza, О́.Já­nibekovpen birge qatystyq. Azııa jáne Afrıka elderinen kelgen qonaqtar boldy. Olar óz elderindegi otarlyq qys­paqtardy jeńip, jeke memleket bolyp qalyptasýdyń, áleýmettik qıyndyqtardy sheshý jaǵdaılarynyń qıyndyqtaryn aıtyp, bizdiń elge rahmetterin jetkizdi. Aramyzda sheteldermen kezdesý jınalysyna birinshi bolyp qatysqan partııa qyzmetkeri, talapty da talantty jas Nurekeńniń aldy ashyq bolatynyna zor senimmen tilekter aıtystyq. Nursultan Ábishuly Nazarbaevtyń Qazaqstan Or­ta­lyq partııa komıtetiniń óndiris jónin­degi hatshysy bolyp saılanǵanymen qut­tyqtap, jaqynda jaryq kórgen ózimniń kitapshamdy usyndym. 2003 jyly Astanada áıelder mere­­kesi – 8 naýryz qarsańynda N.Á.Nazarbaev qatysqan úlken respýblıkalyq jınalys ótti. Oǵan Parlament músheleri, mı­­­nıs­trler qatysty. Burynǵy astana – Al­ma­tydan bir top delegat kel­genbiz. Keleshegi zor jas qala Astanany qut­tyqtap, júzi kórkem, aıbyny bıik, elimizdiń ósip-órkendeýine bas bolsyn degen jaqsylyq tilekter aıtqan edim. 2005 jyly Astanada Prezıdent saılaýy qarsańynda óńirlik ardagerler Keńesteriniń jetekshileri bas qosqan kezdesýde Nursultan Ábishulynyń halyqqa arnaǵan oılaryn tyńdadyq. Osy sapar barysynda Elimizdiń ardaqty aqsaqaldary – Báıken Áshimov bastaǵan el aǵalary Nurekeńe saılaý aldynda batasyn berdi. Uly Jeńistiń 65 jyldyǵyn Astanada qarsy aldyq. Almaty qalasynan 20 shaqty Otan soǵysynyń ardagerleri, ishinde ota­ǵasy Shapaǵat Álbazarulynyń (Berlındi alý operasııasyna qatysqan) saltanatty májiliste birinshi aty atalyp, Nurekeńniń qolynan «Qurmet» ordenin aldy. Táýelsizdiktiń ár jylyna kýáger bolyp, oǵan at salysý 1992 jyldan bastalǵan eken. Almaty qalalyq ardagerleriniń Jas­tar kommıssııasyn basqa­ramyn. Otan soǵysyna qatysqan, soǵys jyldary tylda eńbek etken bedeldi aza­mat­tarmen birge mektepterde, orta jáne joǵary oqý oryndarynda jastarmen mándi kezdesýler, dóńgelek ústel, konferensııalar ótkizemiz. Zııaly qaýym ókilderi ózderi júrip ótken ómirleri týraly aıtyp, jas­tarǵa bilimdi maman bolýdy, úsh tildi meń­gerýdi, kúndelikti ómirge ıkemdelýdi, halyq­tar arasyndaǵy tatýlyqty saqtaý, Qazaqstandyq patrıottyq sezimdi naqty istermen kórsetýdi nasıhattaıdy. Arda­gerlerdiń qoǵamdyq jumystarǵa qatysqan eńbekteri esh ketken joq. Bir jarym mıllıondaı halqy bar, 130-daı ult ókilderi shoǵyrlanǵan, ásem qala Almatyda, sondaı-aq búkil elimizde tynyshtyq pen tatýlyq saltanat qurdy. Men taýdy buzyp, tas jarǵan adam emespin. Otan soǵysy jyldary jer jyrtyp, egis egip, ony jınap memleketke ótkizý máselesinde kómekshiler qatarynda bolǵanym bar. Atqaryp kele jatqan eńbegim – jastarymyzdyń adal bolýyna, bilimdi bolýyna, ulttyq ádet-ǵuryp pen, pat­rıottyq rýhta tárbıelenýine shama kelgenshe kómektesip, jasym 90-ǵa jaqyndap otyrsa da el birligine úles qosyp otyrǵanyma táýbe deımin. Jer júzi memleketterine úlgi kór­setken, adam kókiregindegi seńdi buzyp, qazaq elin Máńgilik jolǵa bastaýshy Tuń­ǵysh Prezıdentimiz – Elbasy Nursultan Ábishuly Nazarbaevqa Alla jar bolsyn! Mere­ke qutty bolsyn, elimiz­ge taýsylmas tabys, zor abyroı tileımin! Bıjamal RAMAZANOVA, Almaty qalasynyń qurmetti azamaty, qalalyq ardagerler keńesiniń múshesi