Dana Nursultannan bala Nursultanǵa aq bata

Arqa tósindegi ken óndirisiniń alyby sanalatyn Jezqaz­ǵan aımaǵyna Elbasy N.Á.Nazarbaev san márte at basyn burdy. Qońsylas jatqan Jezqazǵan, Sátbaev qalalaryn­daǵy halyqtyń ál-aýqatyn, óndiristi shaharlardyń ósip-órkendeý jolyndaǵy ıgilikti isterin kózben kórip, oń isterge sáttilik tilegenin qalyń jurtshylyq jaqsy biledi. Ár saparynda Elbasy el ıgi­ligi­ne qajetti, mańyzdy áleý­met­tik nysandar men iri joba­lar­dyń tusaýyn kesip, jan bi­tir­di. Mun­daı iste elimizdiń Tuń­ǵysh Pre­zı­dentiniń qol­tań­basy qal­ǵanyn qos qalanyń azamattary maq­tana da, madaqtaı da aıta alady. Elimizdiń Tuńǵysh Prezıdenti N.Á.Nazarbaev óziniń qasıetti mekenge taban tiregen saparlarynda kenshiler qalasyn da nazardan tys qaldyrǵan emes. Álemdik deńgeıde alpaýyt kompanııa atan­ǵan «Qazaqmys» korporasııasy» JShS-niń muryndyq bolýy­men boı kóterip, qaıta jóndeýden ótken áleýmettik nysandardyń ashy­lý saltanatynda qurmetti qonaq boldy. Qarap otyrsaq, Prezıdenttiń shaǵyn shaharda bolýynyń ózi tarıhı oqıǵalarǵa toly. Joǵary­da atap ótkendeı, «Qa­zaq­mys» korporasııasynyń qar­jylan­dyrýy­men qaıta jan­danǵan, ne bolmasa eńsesin tik­tegen ǵımarat­tar Sátbaev qala­syna sán berip, halyqqa qal­t­qysyz qyzmet etýde. Osyndaı ny­sannyń biri de biregeıi retinde kompanııanyń kómegimen tamyryna qan júgirgen qalalyq ortalyq aýrýhanany aıtýǵa bolady. Kenshiler qalasyna degen kom­panııanyń mundaı syıyna Elbasy ózi kýá bolǵan edi. Toq­sa­­nynshy jyldardyń toqy­raý­yna tap kelgen qaladaǵy jal­­­­­ǵyz emhananyń aldaǵy taǵ­dy­­­ryna alańdaǵan kompanııa bas­­­­shylary da, Elbasy da onyń ha­­lyqqa qolaıly jaǵdaıda ju­mys jasaýyna kóp kóńil bóldi. Em­­ha­­nanyń kúrdeli jóndeýden ke­ıin qaıta jandanǵan sátine ha­lyq­pen birge qýanyp, mundaǵy bilik­ti mamandardyń isine sát­tilik tiledi. Bul 2003 jyldyń jıyrma besinshi qazany bolatyn. Sodan beri arada on úsh jyl ótti. Osy tarıhı oqıǵanyń birden-bir kýá­geri retinde keńinen sóz qoz­ǵaı ala­tyn qalalyq ortalyq aýrý­hananyń bas dárigeri Jo­mart Ahanovtyń aıtýynsha, Nur­sultan Ábishuly emhanany ashý saltanatyna qatysqanda talaı adamnyń taǵdyryna tikeleı áserin qaldyrǵan... Iá, dál solaı. Kenshiler qa­la­­syndaǵy jalǵyz ortalyq aýrý­hananyń ashylý saltana­tyna kelgende Prezıdent halyqtyń «Endi bul emhananyń aldaǵy taǵdyry ne bolady eken?» degen alańdaýshylyǵyn bir seıiltse, Prezıdenttiń osy saparymen tuspa-tus ómirge kelgen sábılerge de atalyq aq batasyn berdi. Men sóz etkeli otyrǵan sol sábı búginde at jalyn tartyp minip, qurby-qurdas, dos-jarandarynyń arasynda bilimpazdyǵymen, ónerimen daralanyp júr. Ol qalamyzdaǵy aldyńǵy qatarly bilim oshaǵy sanalatyn, suńǵyla jyrdyń dara­bozy Sáken Seıfýllınniń atyn enshilegen gımnazııanyń 8 synyp oqýshysy Nursultan Nurjigit. Onymen júzdesýge arnaıy bilim oshaǵyna izdep bardym. Bir kórgennen kópshil, úlkendi syılap, kishige izet bildiretin pa­ıym-parasattylyǵymen kózi­me ottaı basylǵan Nursultan zerektigin baıqatty. – Dúnıe esigin ashyp jatqan mıllıondaǵan sábıdiń ishinen Elbasy N.Á.Nazarbaevtyń ma­ǵan óz esimin qoıyp, kýáligime «Baqytty bol!» dep aq peıil ti­leý­lestigin bildirýi men úshin úl­ken abyroı ári úlken jaýap­ker­­shilik. Oń-solymdy endi tanyp jatqanda anam maǵan «Seniń esimińdi táýelsiz elimizdiń Tuńǵysh Prezıdenti qoıǵan. Balam, sondyq­tan osy ataqqa laı­yqty azamat bol», dep únemi aı­typ otyratyn. Árıne, munyń má­nisin endi túsinip, bul esimniń qa­dir-qasıetin uǵynǵandaımyn. Nursultan atanyń qazaq eli­ne jasaǵan ıgi isterin, elimizdegi tatý­lyq pen birtutastyq ıdeıa­syn qalyptastyrýdaǵy ózindik sara jolyn gazet-jýrnaldar men tele­arnalardan únemi baqylap, ózimdi-ózim anam aıtqandaı abyroı­ly azamat bolyp erjetýge shyńdaı­myn. Elbasyna elik­tep, únemi bilim­ge, bilýge qumar­tamyn. Ol kisiniń ómir joly jaı­ly derekterdi oqyp, kınolar­dy kórgende bala jasy­nan oqýǵa, bilýge qushtar bol­ǵanyn baıqadym. Meniń ómir­degi jolyma jaryq sáýle syı­laǵan Nur atanyń «Baqytty bol!» degen sózi sál muńaıǵan sá­tim­de seıiltip, serpin beredi. Elbasynyń bul sózi maǵan «Máńgilik qazaq eliniń, aıbyndy da aıbarly elińniń qamqor azamaty bol, sonda seniń baqytty jul­dyzyń janady» dep rýh beret­indeı. Al jaýapkershiligine keler bolsaq, menen kóp izdenýdi, oqyp, bilim alyp, keleshekte elimniń eńseli azamaty bolyp ósýge tárbıeleı­tin­deı,– deıdi bala Nursultan. Ustazdarynyń aıtýynsha, Nursultan óte alǵyr. Ol, ásirese, matematıka pánin qumarta oqı­dy. Bos ýaqytyn sport zalynda, ki­taphanada ótkizetin daryndy balanyń sabaq úlgerimi óte jaq­­sy. – Mektebimizde mundaı ba­lanyń tálim men tárbıe alyp, bi­lim­ge sýsyndaýy biz úshin de maq­tanysh. Adam kimge eliktep, kimdi úlgi tutsa sol adamnyń jolyn ózine sara jol etip tańdap alady ǵoı. Nursultan Elbasy jolyn tańdap, eline etene ul bolyp jatsa, nur ústine nur emes pe? – deıdi gımnazııa dırektory Gúlbaný Súıinjanova. Táýelsizdik – bizge teńdik pen bos­tan­dyq tańyn syılaǵan asa kıe­li uǵym. San ǵasyrlar boıy ata-baba ańsaǵan azat kúnniń Qazaq eli­­niń kó­ginde kóterilip, kók Týy­myz­dyń jelbireýi ulttar men ulys­­tar úshin baǵa jetpes baı­­lyq. Shı­rek ǵa­syr ishin­de sheji­re­li ta­rı­hyn qa­lyp­tas­ty­ryp, eń­­se­­sin tiktegen elimiz El­basy N.Á.Nazarbaevtyń sarabdal saıa­saty­­­­nyń arqasynda álem elde­ri­niń qa­­ta­ry­­nan oıyp turyp oryn aldy. Qazaqtyń baǵyna bitken mun­daı tulǵanyń taǵylymy – eli­mizdiń keleshegi dep senim artqan jastarǵa úlgi. Baǵdat QAZKENOV, jýrnalıst Qaraǵandy oblysy, Sátbaev qalasy