Symbatty bozbala, sulý boıjetken

Vena balynyń sánin keltirdi Sultanmahmut Toraıǵyrov atyndaǵy memlekettik ýnıversıtette «Vena valsi» áýenimen terbelgen stýdentter juptary bı bılep, tańǵajaıyp kórinis syılady. Bul mereke Qazaqstan stýdentter Alıansy men ýnıversıtet belsendileriniń uıymdastyrýymen ótti. Sán-saltanatqa toly keshte sulý qyzdar men suńǵaq boı­ly jigitter nurly júz­de­rindegi qýanyshtaryn jasyra almady. Bári de tolqýly, ertegideı tańǵajaıyp sátti kú­tedi... Mine, mine, sol sát te kel­­di! Smokıng kıgen symbatty boz­­balalar sulý boıjetkenderdi bıge shaqyrdy. XVIII ǵasyrdyń bı baly dástúrine saı 32 jup jarqyraǵan saltanatty keń zalda bir-birin terbete bıleı jóneldi. Tartymdy juptar bı balynyń shyraıyn keltirdi. О́tken kúnniń enshisinde qalǵan dástúrler men ádepti, sulýlyq pen ónerdi pash etetin «Vena valsine» jáne «Vena balyna» qatysýshylar klassıkalyq bıdiń tańǵajaıyp álemine jetelegendeı. Jan jadyratar áýendermen qalyqtaǵan qyz-jigitterge qarasań, jastyq shaqty saǵynǵandaı kúı keshesiń. Klassıkalyq bı óneriniń qudi­retine qaıran qalasyń. Baldyń alǵashqy úsh kezeńinde tarıhı bıler kórsetildi. Bekzadalar men sulý boıjetkender polonez, menýet, pavana, fransýz kadrıli bı­lerin bılep, súısindirdi. Jup­tar  bılerdiń bul túrlerine arnaıy jat­tyǵyp, mazmun-tarı­hyna ar­nalǵan sabaq­tardan  ótipti. Kesh baǵ­dar­lamasynda qo­naqtardyń kó­ńilin kóteretin qyzyqty teatr­­lan­dyrylǵan qoıylymdar da sahnalandy. Ýnıversıtet fı­­larmonııasynyń ánshileri mý­zykalyq án-shashý jasady. Stý­dentter bir ýaq leksııalardan bas kóterip, bı keshinde venalyq er­­te­giler keıipkerlerine aınaldy. – Stýdenttik bal ótkizý – bizdiń oqý ornynyń ádemi dástúri. Bal – keńistik pen ýaqyttyń jańǵyrýy, áýenniń yrǵaǵymen dóńgelene bıge oranǵan ǵajaıyp álem. Sol dáýir ǵajabymen tynystadyq, – deıdi stýdentter Alıansynyń tóraǵasy Aıdar Muratov. Al bal hanshaıym men hanzadasyz bola  ma? Vena balynda bı bıleýdegi sheberligin asyryp, etıketin náshine keltir­gen Dına Chýmarova  (energetıka  fakýlteti) jáne Temirlan Meıramov (hımııa­lyq tehnologııalar jáne jaratylystaný fakýlteti) kesh hanshaıymy men hanzadasy atandy. Farıda BYQAI, «Egemen Qazaqstan» PAVLODAR Sýretti túsirgen Rýfına TORPIShEVA