Qoǵamdyq qabyldaýǵa oqýshylar da keldi

Qazaqstan Respýblıkasynyń Tuńǵysh Prezıdenti kúnine arnalǵan «Nur Otan» partııasynyń Respýblıkalyq qoǵamdyq qabyldaý bólmesinde qoǵamdyq qabyldaý kúni ótkizildi. Is-sharany ótkizýdegi negizgi maqsat – Qazaqstan Res­pýblıkasynyń Prezıdenti, «Nur Otan» partııasynyń Tóraǵasy N.Nazarbaevtyń qyzmetin, onyń ishinde halyqtyń ál-aýqatyn arttyrý, erkindik, birlik, turaqtylyqty qalyptastyrýdaǵy eńbegin sondaı-aq táýelsizdik qun­dylyǵyn keńinen nasıhattaý bolyp tabylady. Atalmysh is-sharaǵa «Nur Otan» partııasynyń arda­gerleri, L.N.Gýmılev atyndaǵy Eýrazııa ulttyq ýnı­versıtetiniń, S.Seıfýllın atyndaǵy Qazaq agro­tehnıkalyq ýnıversıtetiniń stýdentteri, Astanadaǵy №1 mektep-lıseıi jáne №3 daryndy balalarǵa arnalǵan «Zerde» mektebiniń oqýshylary qatysty. «Nur Otan» partııasynyń Respýblıkalyq qoǵamdyq qabyldaý bólmesiniń meńgerýshisi J.Júkenov qonaqtarǵa: - 2013 jyly 1 jeltoqsany kúni Elbasy, «Nur Otan» partııasynyń Tóraǵasy N.Á.Nazarbaev osy ǵımaratty arnaıy kelip ashty. Partııanyń Respýblıkalyq qoǵamdyq qabyldaý bólmesiniń atqaratyn qyzmeti, azamattardyń problemalaryna tıimdi nazar aýdaryp, ony sheshýdegi jumystardy qajetti deńgeıde uıymdastyrady, – dedi. Sonymen qatar, qonaqtarǵa ýaqyt talabyna saı kóp­fýnksıonaldy «Elektrondy partııa», mınıstrler, onyń orynbasarlarynyń, quqyq  qorǵaý, atqarýshy organdar basshylarynyń, advokattardyń, zańgerlerdiń, Bank ombýdsmeni jáne medıatorlardyń turaqty negizde azamattardy qabyldaıtyn zaldarymen, kabınetterimen naqty tanysýlaryna múmkindik berildi. Sondaı-aq, kelýshilerge «2016 jylǵy partııanyń eń úzdik qoǵamdyq qabyldaý bólmesi» respýblıkalyq baıqaýǵa qatysýshy partııanyń aımaqtyq jáne aýmaqtyq qoǵamdyq qabyldaý bólmeleriniń jumystary týraly materıaldar da kórsetildi. Is-shara barysynda Densaýlyq saqtaý jáne áleýmettik damý vıse-mınıstri A.Soı, Aýyl sharýashylyǵy vıse-mınıstri S.Egizbaev jáne Astana qalasy Saryarqa aý­danynyń prokýrory E.Serikbaev azamattardy jeke má­seleleri boıynsha qabyldaý júrgizdi. Qabyldaýǵa kelgen azamattar qoldanystaǵy zańdar aıasynda naqty jaýaptar aldy. Is-sharanyń sońynda «Nur Otan» partııasynyń ardagerleri óskeleń jas urpaqqa, ıaǵnı stýdentter men mek­tep oqýshylaryna óz estelikterin aıtyp, Elbasy, «Nur Otan» partııasynyń Tóraǵasy N.Á.Nazarbaevtyń qyzmetine arnalǵan kitapty tapsyryp, batalaryn berdi. Asqar QUMARBAI, «Nur Otan» partııasy Respýblıkalyq qoǵamdyq qabyldaý bólmesiniń konsýltanty