Antarktıdaǵa baǵyt alǵan ekinshi ekspedısııa

El Táýelsizdiginiń 25 jyldyǵyna arnap Antarktıdaǵa ekinshi qazaqstandyq ekspedısııa jiberildi. «Táýelsizdik Polıýsi» dep atalatyn ǵylymı-zertteý ekspedısııasynyń músheleri Ońtústik polıýstegi Vınson shyńyn baǵyndyrmaq. Bul týraly Ortalyq kommýnıkasııalar qyzmetinde ótken baspasóz máslıhatynda QazGeo tóralqa tóraǵasy Tólegen Tastanbekov málim etti. Qazaqstan halqy Assambleıa­synyń qam­qorlyǵymen ótkizi­letin ǵylymı-zertteý ekspedısııasyn «Qazaq geogra­fııa­lyq qo­ǵamy» qoǵamdyq birlestigi uıym­­dastyryp otyr. Jobanyń bas serik­tesi – «Báıterek» ulttyq bas­qarý holdıngi. «Ekspedısııa 1 jeltoqsanda Qazaqstan Respýblıkasynyń Tuń­ǵysh Prezıdenti kúni bas­taldy. 16 jeltoqsan – elimizdiń Táý­elsizdik merekesin toılaǵan kú­ni Antarktıdanyń eń joǵary núk­­tesi – Vınson shyńyna (4892 m) Qa­zaqstan Res­pýb­lıkasynyń Mem­­­lekettik Týy tigiledi»,  de­di T.Tas­­­tanbekov. Budan bólek, ekspedısııa qatysý­shy­lary 200 shaqyrymnan astam qashyq­tyqty shańǵymen júrip ótpek. Baspasóz máslı­hatynda «Táýelsizdik Polıýsi» ekspe­dısııasynyń negizgi qura­my jarııalandy. Onyń qata­rynda Almaty qalasyndaǵy «QazaqGeography» aımaqtyq ókil­diginiń jetekshisi Maǵjan Saǵymbaev, alpınıster Ilıas Ǵalymbekov pen Iýrıı Iýshın, ǵalymdar Álııa Ernazarova, Arman Baımuhamedov pen Dáý­let Sháripov bar. Son­daı-aq, ekspedısııaǵa ál-Fara­bı atyn­daǵy Qazaq ult­tyq ýnı­versıteti men  S.Asfendııarov atyndaǵy Qazaq ulttyq medı­sınalyq ýnı­versıtetiniń ǵylymı qyz­metkerleri attandy. Olar eko­logııa, bıologııa men adam fı­zıologııasy salalarynda zertteý ju­mystaryn júr­gizedi. Sonyń ishin­de An­tarktıdanyń ekojúıesinde bolatyn organıkalyq pes­tısıdterdi, tótenshe jaǵdaıǵa beıimdelgen mıkroaǵzalardyń alýan túrliligin anyqtaýdy jáne Antarktıdanyń tótenshe ortasynda aýa raıynyń adam densaýlyǵy men psıhologııalyq sezimine áser beretin yqpaldardy tabýdy kózdep otyr. Aıdar О́RISBAEV, «Egemen Qazaqstan»