Foto GETTY IMAGES
Qytaıda 21 jyl buryn eń aýyr jazaǵa kesilip, óltirilgen adamdy aqtaıtyn sot sheshimi shyqty. Bul týraly VVS News habarlaıdy. Hebeı provınsııasynyń turǵyny Nıe Shýbın 1995 jyly áıel zorlap, óltirdi degen aıyp boıynsha kináli tabylyp, 20 jasynda atylyp ketken. Búgin Joǵarǵy sot Nıe Shýbınniń kinásin dáleldeıtin faktiler jetkiliksiz degen sheshim shyǵardy. 20 jyldan asa ýaqyt boıy Nıeniń jazyqsyz atylǵanyn dáleldeý úshin kúresken jaqyndary ózderin qoldaǵan adamdarǵa alǵys aıtty. Bir aıta keterligi, 11 jyl buryn eki áıeldi óltirgen Van Shýjın esimdi sottalýshy osy qylmysty ózi jasaǵanyn málimdegen eken. Biraq sot onyń sózine qaperge almaǵan. VVS-diń habarlaýy boıynsha, Qytaı sottary qylmystyq isterdiń 99 paıyzyna ashyldy dep úkim shyǵarady. Jylyna myńdaǵan adam ólim jazasyna kesiledi, biraq olardyń sany memlekettik qupııa bolyp sanalady. Qytaıda cot sheshimderiniń qaıta qaralyp, sottalýshynyń aqtalýy óte sırek kezdesedi. 2014 jyly Ishki Mońǵolııa provınsııasynda 18 jyl buryn sot úkimi boıynsha óltirilgen jasóspirim aqtaldy. Marqumnyń áke-sheshesine 30 000 ıýan (1 500 000 teńge) tólenip, ol iske jaýapty 27 laýazymdy tulǵa jazalandy. VVS-diń Pekındegi tilshisiniń aıtýynsha, Nıe Shýbın isi Qytaıdaǵy eń atyshýly isterdiń biri bolǵan.
Naı Shýbın
Van Shýjın
