Búginime baqyttymyn

- Men tabysty bolam dep tyrashtanyp kórmedim. Oǵan umtylmadym da. О́z isińdi jaqsy, berilip sapaly jasasań, tabys ózi keledi. Sonda seni baıqaıdy, shaqyrady, - dep oıymen bólisti Qazaqstan Respýblıkasynyń halyq ártisi, áriptesterine de súıkimdi aktrısa 90-jyldardaǵy toqyraý kezeńinde de suranysqa ıe boldy, talaı kınoǵa tústi. Bir kınoǵa túskennen soń juldyz aýrýymen «aýyryp qalatyn» talaı jastardy kórip júrmiz. Aıanyshtysy, olardyń ózin naǵyz juldyz sanaıtyndyǵynda. Gúlnar Abdollaqyzynyń pikirinshe, sapaly ári kásibı kınoǵa túsý óte qıyn. Ol kezdesýlerde jastarǵa qandaı bolsa da jumysqa ústirt qaramaý men iske adaldyq týraly jáne juldyz aýrýymen aýyrǵan adam syrt kózge kúlkinishti kórinetinin aıtyp keledi. Gúlnardy kınonyń ózi tapty. Nebári 12 jasynda pıoner lagerinde júrgen jerinen rejısser A.Qarsaqbaev izdep taýyp, synap, «Bandyny qýǵan Hamıt» fılmine Áıgerimniń rolin oınaýǵa aldy. Kóp uzamaı, 1982 jyly ony televıdenıe dıktorlyqqa shaqyrdy. Osy kezden bastap ol kóptegen túrli jobalarǵa qatysty. Týmysynan qabiletti qyz arnaıy oqý ornyn bitirmeı-aq Sh.Aımanov atyndaǵy «Qazaqfılm» kınostýdııasy aktrısa retinde qyzmetke qabyldady. Mektepti altyn medalmen bitirgen jas túlek 1989 jyly qazirgi ál-Farabı atyndaǵy QazMÝ-diń fılologııa fakýltetin bitirdi. Degenmen týabitti daryndy qyz ózin kıno áleminen tapty da, bul salaǵa birjola betburdy. G.Dosmatova otyzǵa jýyq fılmderge túsip bir-birine uqsamaıtyn rolderdi sheber oınady. 1984 jyly «Chelovıcheskıı faktor» fılmindegi roli úshin XVIII-búkilodaqtyq kınofestıvalde eń úzdik áıel rolin somdaýshy retinde tańdaldy (Mınsk). Budan keıingi kezeńde ony «Begýshaıa mıshen» (1991), «Son vo sne» (1992), «Kardıogramma» (1995) jáne de joldasy Hýat Ahmetovtiń rejısserligimen túsirilgen «Chelovek veter» (2007) fılmderi tabysqa jetkizdi. Ol 2000 jyly úzdik aktrısa nomınasııasyna ıe boldy. «Bul kúrdeli mamandyqta ornyqty, tabandy minez qajet. Bul óner sátsizdikterge qarsy tótep bere alatyn rýhty talap etedi. О́ıtkeni, búgin ataqty, áıgili bop, al erteń bári seni umytyp, shaqyrylmaı, eskerilmeı jatýyń da múmkin. Osynysymen eshkimdi aıamaıtyn óner. Bul jolmen júre almaǵan adamdar bar. Sondyqtan da búginime baqyttymyn» - degen oıyn bildirdi aktrısa. Tájirıbeli sheberdiń osy mamandyqqa barǵysy keletin jastarǵa aıtpaǵy bar. Ol – «kınosyz ómir súre almaımyn» degen sezim bolsa ǵana akter, aktrısa bolýǵa belińdi bý, óıtpeseń jastyq shaǵyńdy bosqa ótkizip, ómirińdi qor qylasyń degen aqyly. Odan da basqa bir salany tańdap, áp-ásem ómir súrýge bolady. Kıno, akterlyq bul ortanqoldardyń aınalysatyn kásibi emes dep qaraıtyn Gúlnar bdolllaqyzy kınoǵa túskende ataq, aqsha, tabysqa jetýdi maqsat tutqan emes. Ol boıyńda jaryp turǵan talantyń bolsa ǵana kınoǵa kel degen ustanymda ómir súrip keledi. Iá, aktrısanyń osy ustanymy myna oqıǵadan da aıqyn kórindi. Qyzy Aısha Orazbaeva Italııada, sonan soń Londonda joǵary bilim alǵan skrıpkashy. Ol halyqaralyq stıpendııalar ıegeri ári Eýropadaǵy kóptegen orkestrlerdiń konsertmeısteri. Otanymyzda sulý qyzdy 15 jasynan bastap kınoǵa túsirýge biraz usynystar boldy. Rejısser D.О́mirbaev ta «Shuǵaǵa» túsirmek boldy. Aısha da buǵan qyzyqty. Biraq anasy úzildi-kesildi qarsy boldy. Kim biledi, jasóspirimniń kózqarasy ózgerip ketse... Daryndy mýzykanttyń alda oqýy bar, maqsaty bar, óz tańdaǵan joly bar ǵoı degen oımen shyr-pyr bolyp, ruqsat bermedi. Gúlnar ortanqol aktrısa shyqqanynan góri daryndy skrıpkashy, kompozıtordyń jolyn jón kórdi. «Bizdi óltirmegenniń bári bizdi myqty qylady» degen sóz bar ǵoı, men óner jolynda asa qıyndyqtardy kezdestirgem joq. Biraq barlyq bultarys pen sátsizdikterge ylǵı ishteı daıyn bolǵandyqtan olardan sabaq alyp, qataıa túsem», - deıdi ol. Ony kóp oılandyratyny – kóp rejısserdyń ómirlik túıgeni bar, aıtary bar, jan dúnıesi kemeldengen orta jastaǵy áıel obrazyn emes, jalyndy jastardyń ómiri men sezimin túsirýge áýestigi. Buny oılaı otyryp keıde ózi rejısser bop ketkisi keledi. Gúlnardyń armany álemdik klassıkadan áıel rolin somdaý. Kúrdeli de psıhologızmge qurylǵan jaqsy dramatýrgııany izdeıdi, áli de kútedi. Qashan meni oılaǵanymdaı rolge shaqyrady dep kútip otyra berýge taǵy bolmaıdy, sondyqtan da ylǵı izdenis pen qozǵalys ústinde. Án salý, bı bıleý, aktrısalyq, telejúrgizýshilik – munyń bári bir-birine týys óner dep túsinetin aktrısa boıyndaǵy jan-jaqty qyryn osy salalarda asha bildi. G.Dosmatova qyryq jylǵa jýyq ýaqyttan beri qazaq kınosynyń damýyna boıyndaǵy talantymen atsalysyp kele jatqan aktrısa. Búginde mol tájirıbe jınaǵan shynaıy sheberdiń áli de óner jolynda kórseteri kóp, bereri mol. Baqyt JOLDYBAIQYZY