О́nerde ózindik joly bar Nurǵalı aǵa

Áıgili dırıjer, daryndy kompozıtor Nurǵısa Tilendıev óziniń «Sarjaılaý», «Jetisýym», «Baldyzym», «Ákeme», «Qapshaǵaı», «Kele jatyr qus qaıtyp» ánderin kúmis kómeı, jez tańdaı ánshi Nurǵalı aǵanyń daýysyna arnap jazǵan eken. Ol on jasynda halyqtyq «Qyzyl bıdaı», «Qyzdar-aı» ánderin oryndap kózge tústi. Týmysynan qarapaıym jan Jetisýdyń kórkem tabıǵatynan lázzat alyp, taý bókterindegi taza aýamen kókiregin kere tynystap ósti. On toǵyz jasynda jýrnalıst A.Bragınniń keńesimen ol konservatorııaǵa oqýǵa baryp, daýys múmkindikteri baǵalanyp, halyq ártisi N.N.Samyshınanyń klasyna oqýǵa qabyldanady. Keń tynysty, estigen qulaqta qalyp qoıatyn ásem tembrli daýysty ustazy qıyndyǵy mol ónerge jeti jyl tárbıeledi. Budan keıin N.Núsipjanovtyń keıin nurly da, tabysty eńbek joly bastaldy. Ol Abaı atyndaǵy Memlekettik Opera jáne balet teatrynda, keıin Qazaq teleradıosynda ol on jylǵa jýyq qyzmet etti. 1976 jyldan bastap Qurmanǵazy atyndaǵy akademııalyq halyq aspaptary orkestrine jetekshi ánshi bop qyzmetke orynalasyp, elimizdiń shalǵaı aımaqtarynda, jaqyn, alys shetelderde óner kórsetti. Repertýaryna án jınaǵanda ol aqyndar men kompozıtorlardyń ataq-mansabyna qarap emes, sezimge toly syrly áýenge, óleńiniń maǵynasy men úılesken ándi tańdady. Tyńdarmanyna talaı kórkem týyndyny jetkizip júrgen ánshi Shámshi men Ásettiń, Áblahattyń ánderi, Ǵ.Jubanova, E.Rahmadıev, N.Tilendıev, S.Muqamedjanov, B.Jubanııazov, M.Mańǵytaevtyń án-romanstaryn tamyljyta oryndaıdy. О́ziniń ónerdegi ustanymyna sáıkes, ataǵy shyqpaǵan bolsa da, tanymal bolmasa da shalǵaı aımaqta týyp, mádenıet ortalyqtaryna jete almaı, óz tyńdarmanyna jol taba almaı júrgen, shyǵarmalaryn nasıhattaı almaı júrgen qabiletti kompozıtorlardyń jandy terber ánderin shabytpen oryndap keldi. Qazaq ánderin álemniń otyzdan astam memleketinde nasıhattady. Qazirgi qaptap ketken ánshisymaqtardyń talaıyna Nurǵalı aǵa synı pikirin aıtty. Baǵyt berip, jón kórsetti. Tárbıeniń eń jaqsysy – úlgi bolý deımiz. Onyń sahnaǵa alyp shyǵatyn árbir áni keıingi urpaqqa úlgi. Ol óz daýysymen, talǵamymymen, ónerge adaldyǵymen, júris-turysymen, sahnada shynaıy baıqalyp turatyn ishki dúnıesiniń mádenıetimen halyqtyń yqylasyna bólengen ánshi. Ár konsertinen soń tyńdarmanǵa oı sala bilsem, ásemdik pen parasattylyqqa qulshynysyn oıata bilsem maǵan sol zor baqyt dep keledi. Iá, Nurǵalı aǵa ánge degen joǵary talǵamymen, baıypty minezimen tyńdarmany men jastardy sahnadan túspeı turyp-aq tárbıeleýde. «Qazaq eliniń óneri men rýhanııaty aldymen qazaqtarǵa, qazaq jastaryna qajet. Ony eń birinshi Otanymyzda órkendetýimiz kerek», - deıdi ánshi aǵa. Amandyq bolsa keler jyldyń 5-qańtarynda halyq artısi, Memlkettik syılyqtyń ıegeri, kórkem shyǵarmashylyq ıesi Nurǵalı Núsipjanov 80 jasqa keledi. Maqala «100 tabys tarıhy» ulttyq joba aıasynda Qazaqstan Respýblıkasy Din isteri jáne azamattyq qoǵam mınıstrliginiń tapsyrysy boıynsha «Álem» volonterlyq ortalyǵymen daıyndalǵan. Dastan KENJALIN