Qazaqstan Respýblıkasy Táýelsizdiginiń 25 jyldyǵyna oraı "Azamattarǵa arnalǵan úkimet" memlekettik korporasııasy KE AQ Qyzylorda oblysy boıynsha departamentteri «Júregim toly meıirim» taqyrybynda qamqorlyq - qaırymdylyq jármeńkesin ótkizdi.
Oǵan barlyq aýdandyq, qalalyq HQKO bólimderiniń qyzmetkerleri daıyndaǵan qolóner jáne zergerlik buıymdary, ulttyq taǵamdar, tosaptar qoıyldy. Qamqorlyq –qaıyrymdylyq jármeńkesinen túsken 500 myń qarajat naýqasqa shaldyqqan Pıa Mıron men Muratbek Adııattyń (týa bitti múgedek) em alýy úshin tabystaldy.
Sonymen qatar, Halyqqa qyzmet kórsetý ortalyǵynyń «Halyq» bastaýysh partııa uıymy ata – anasynan aırylǵan 12 jasar Nurbaqyt Berikulyna qamqorlyq jasaıdy. Osyǵan baılanysty N.Berikulynyń atynan esepshot ashylyp, oǵan 18 jasqa tolǵanǵa deıin qarajat aýdarylyp otyr.
Nurbahytqa osy ýaqytqa deıin «Mektepke jol» aksııasy boıynsha kıim-keshek, oqý quraldary men aqshalaı qarajat jáne sport kúnine oraı velosıped tabystalǵan. Búgingi jármeńkege Nurbahyt ta shaqyrylyp, ujym atynan syı-sııapat kórsetildi.
Qazaqstan Respýblıkasy Táýelsizdiginiń 25 jyldyǵyna oraı uıymdastyrylyp otyrǵan qamqorlyq – qaıyrymdylyq jármeńkesinde Halyqqa qyzmet kórsetý ortalyǵynyń mamandary arnaıy fleshmob bıin daıyndady.
