Erteń Elbasynyń qatysýymen birqatar is-shara ótedi

Astanada QR Prezıdentiniń «Altyn sapa» syılyǵy, «Qazaqstannyń úzdik taýar» respýblıkalyq kórme-baıqaýy, bıznestiń áleýmettik jaýapkershiligi jónindegi «Paryz-2016» baıqaýy jeńimpazdaryn saltanatty marapattaý rásimi men Indýstrııalandyrý kúni aıasyndaǵy Jalpyulttyq telekópir ótedi, dep habarlady palata.kz. Qalyptasqan dástúr boıynsha, telekópir kezinde Memleket basshysy Nursultan Nazarbaevtyń qatysýymen, ındýstrııaldyq jáne ınfraqurylymdyq jobalardyń tusaýy kesiletin bolady. Sharaǵa memlekettik mekemeler, ulttyq kompanııalar basshylary, ákimder, QR Parlamenti depýtattary, Ulttyq kásipkerler palatasynyń ókilderi, saıası partııalardyń jetekshileri, qoǵamdyq birlestikter ókilderi, iri ónerkásiptik kásiporyndar basshylary, ótken jyldarǵy júldegerler, 2016 jylǵy jeńimpazdar qatysady dep kútilýde. О́tkiziletin ýaqyty men orny: 2016 jyldyń 6 jeltoqsany, bastalýy 11-00-de, Astana qalasy, Qazmedıa ortalyǵy.