Úndistannyń premer-mınıstri «jyl adamy» atandy

Time jýrnalynyń nusqasy boıynsha Úndistan Premer-Mınıstri Narendra Modı «jyl adamy» atandy, dep habarlady TASS aqparat agenttigi 18% daýys jınaǵan Modı, saýalnamaǵa qatysqandar arasynda osy jyldyń bedeldi tulǵalary dep eseptelingen AQSh-tyń burynǵy prezıdenti Barak Obamadan, jaqynda saılanǵan prezıdenti Donald Tramptan jáne WikiLeaks basshysy Djýlıan Assanjdan basym tústi. Olardyń enshisinde 7% daýys. Budan bólek, Úndistan premeri Facebook-tyń negizin qalaǵan Mark Sýkerbergti (2%) jáne AQSh-tyń eks-birinshi hanymy Hılları Klıntondy (4%) basyp ozdy. Atalmysh jýrnaldyń habarlaýynsha, bul reıtıng 7 jeltoqsanda belgili bolady, ony redaktorlar alqasy sheshedi. «О́zekti saıasat ortalyǵynyń» (Pew Centre) deregi boıynsha, sońǵy ýaqytta Modıdiń Úndistandaǵy reıtıngi aıtarlyqtaı joǵary bolǵan. Bundaı kórsetkishke Klımat boıynsha Parıj kelisimin bekitý, sondaı-aq Úndi eliniń ekonomıkasyna keri áseri tııýi múmkin 1000 rýpıdi aınalymnan alyp tastaý jóninde sheshim qabyldaýy septigin tıgizgen.