Aqqudyqqa gaz keldi

Oblysta eldi pýnktterdi gaz­dan­­dyrý jumystary jalǵasý­da. Jaqynda taǵy bir eldi meken – Aqqudyq aýylyna gaz beril­di. Boranǵa qaramastan, aqqudyq­tyq­tar aýyl syrtyndaǵy avto­­mat­­ty gaz bólý stansasy mańyn­­da kóp jınaldy. Talaı jyldar­dan beri arman bolyp kelgen kógil­dir otyn­nyń ıgiligin kórýge yqy­las­ty aýyldyqtardyń saltanatty sátke asyǵýlary da oryndy. Olar úshin munyń ózi óte mańyzdy shara ekeni sózsiz. Buıyǵy aýyl tir­shi­­li­gine kógildir otynnyń kóp jaq­­sy­­lyq­tar ákeletininen úmitti aýyldyq­tar. Bul aýylda kezinde egemen­dik­tiń eleń-alańyndaǵy qıyndyq­tar­ǵa shydamaı qala­ly jerge qonys aýdaryp ketkender de bo­lyp­ty. Qazir aýylda biraz úı bos tur eken. Alaıda, irgeden áktas óndiretin ken orny ashylyp, 40-tan astam aýyldyq kókteı ótip jatqan «Hromtaý-Altynsarın» temir jolyna jumysqa turyp, aýyldyń jaǵ­­daıy túzele bastap­ty. Aýyz sý ár úıge baryp tur, endi mine, gaz keltirildi. Aq­qu­dyq­­­­­tyq­tar endi irge kóterip ket­­ken jer­les­teri­niń qaı­typ ora­la­ty­nyna senimdi. Aýylǵa gaz berilý saltana­tyn­da sóz alǵan oblys ákimi Berdibek Saparbaev aqqudyq­­tyq­tardy qýanyshty sátterimen qut­tyq­­t­ady, bıylǵy jyldyń bar­sha qazaq­stan­dyq­tar úshin aıryq­sha mańyzdy ekenin jetkizdi. – Elimiz úshin ma­ńyz­­dy oqıǵa – Táýel­sizdiktiń 25 jyl­dyǵyn merekeleýge daıyn­da­lý­da. Bul merekege tartýly ta­bys­tar­­men jáne úzdik kórset­kish­ter­­men barýymyz kerek. El­basy­­nyń tap­­syr­masy boıynsha halyq­­tyń tu­r­mysyn jaqsartý, olar­dyń túıin­di áleýmettik máse­le­lerin sheshý shara­lary iske asyrylýda. Bıyl barlyq aýdan or­ta­lyq­­tary gazdandyryldy, ob­lys tur­ǵyndarynyń 92 paıyzy kó­gil­dir otynnyń ıgiligin kórip otyr. «QazTransGaz» AQ-tyń 2012-2020 jyldarǵa arnalǵan ın­ves­tı­­sııalyq jobalary aıasyn­da 300 shaqyrym gaz qubyry tar­tyl­dy. Taıaý jyldarda ob­lys tur­ǵy­n­dary­nyń 96 paıyzy gazben to­lyq qam­­­ta­masyz etiledi, – dedi óńir basshysy. «QazTransGaz Aımaq» AQ Aqtóbe ón­diristik fılıaly dırek­tory­nyń oryn­basary Ermek Qaldy­ǵulov aýyldyq­tar­dy gaz­dyń berilýimen quttyqtap, qys­qa merzimde 200 shaqyrym gaz qubyry tar­tyl­­ǵanyn, barlyq aýdan orta­lyqtary gazdan­dyryl­ǵanyn, en­di alys aýyldarǵa kógildir otyn jetkiziletinin atap ótti. Sodan keıin oblys ákimi Berdi­bek Sapar­baev bastaǵan top kógil­dir otynnyń ıgiligin kórip otyr­ǵan «Qaınar» sharýa qoja­ly­ǵynyń jetekshisi Baýyrjan Dáýletııarov­tyń úıine bardy. Baýyrjannyń anasy Juma­sulý áje kórgennen-aq alǵysyn jaý­dy­­ryp, rızashylyǵyn bildirdi. – Búgin bizdiń aýyl úshin «aq túıeniń qarny jarylǵan» aq­jarylqap kún boldy. Úı­leri­­mizge gaz kirgizilip, kógildir otyn­nyń ıgi­ligin kórip jatyrmyz. Aýyl ústinen temir jol ótedi, aýyz sý, elektr bar. Endi budan ar­tyq ne kerek. Memleket basshysyna jáne onyń saıasatyn júzege asyryp jatqan oblys bas­shylaryna, gaz qyzmetkerlerine úlken rah­­met aıta­myn. Aýyldaǵy keıbir máse­le­­le­rdi sheshýdegi qoldaý – kómekteri úshin rıza­shy­lyǵym­dy bildiremin, – deıdi seksen­niń seńgirine shyqqan Jumasulý Dáýletııarova. Munda gaz retteý blogy pýnkti salyn­ǵan, 11 shaqyrym qubyr tartylǵan, qubyr ár úıdiń tusyna kelip tur. Bul 500 turǵyny bar 126 úıdi jáne 9 kommýnaldyq-tur­­mys­tyq nysandy kógildir otyn­­men qamtamasyz etýge to­lyq múmkindigi jetedi. Qazirdiń ózinde 40-qa jýyq turǵyn úı gazǵa qosylǵan. Qalǵandary da qujat­taryn túzep, qarjy­laryn jınap úılerine gaz kirgizýdiń qamyn­da júr. Bul jumys jal­ǵasýda. Jal­py, Aqqudyq aýyly­nyń ajary kirip, tur­my­sy jaq­sara túsetinine senim mol. Aq­qudyq­tyq­tar qalaǵa qonys aýdarǵan aýyldastarynyń qaıtyp oralatyndarynan da kúder úzbeıdi. Osyndaı úmittiń oıanýyna osyndaǵy tur­mystyq ıgilikterdiń jasalýy da alǵyshart jasaıdy. Sonyń bastysy búgin berilip otyrǵan gaz ekeni sózsiz. Endi aýyldyń qyz kelinshekteri ot jaǵyp, kúl shyǵarýdan bosady. Kógildir otynnyń kelýi shaǵyn jáne orta bıznestiń de damýyna yqpal etedi deıdi biletinder. «QazTransGaz Aımaq» AQ el Táýelsiz­diginiń 25 jyldyǵy qur­metine az qamtylǵan 4 otba­syǵa úılerine tegin gaz qosý úshin sertı­fıkattar tapsyrdy. «QazTransGaz» AQ pen oblys ákimdigi ara­­synda jasalǵan memo­randým­nyń ar­qasynda bıyl barlyq aýdan ortalyq­taryna gaz jetkizildi, ıaǵnı, olarda turatyn 715 myń turǵyn kógildir otynnyń qyzyǵyn kóre alady degen sóz. Investısııalyq qarjy esebinen Qarǵaly aýdanynyń Qosestek, Áıteke bı aýdanynyń Komsomol, Oıyl aýdany­nyń Oıyl aýyl­daryna eldi meken shetine deıin, Yrǵyz aýdanynyń Yrǵyz jáne Alǵa aýdanynyń Úshqudyq aýyl­daryna kósheishilik jal­py somasy 5,9 mıllıard teń­ge turatyn 293 shaqyrym qu­byr tartyldy.Ústimizdegi jyly Mártók aýdanynyń Jaı­­sań selo­syna deıingi 2014 jyly bas­talǵan kire­beris gaz quby­ry qurylysy bıýdjet esebi­nen aıaq­taldy. Bıyl Mártók aýdany­nyń Kazanka, Qarǵaly aýdany­nyń Josaly, Kempirsaı, Shal­qar aýdanynyń Shetyrǵyz aýyl­d­ary­na gaz qubyryn tartý bastaldy. Jalpy quny 14,3 mıllıard teńge tura­tyn 12 joba júzege asyrylatyn bola­dy, ıaǵnı, 316,8 shaqyrym gaz qubyr tar­tyl­­­dy. Oǵan Áıteke bı aýdanyn­daǵy Kom­so­mol, Oıyl aýdanynyń Oıyl, Qarǵa­ly aýda­ny­nyń Qosestek, Muǵaljar aýdany­nyń Al­­tyn­­dy, Eńbek jáne Taldysaı aýyl­daryn gaz­dan­dyrý, Aqtóbe men Qandyaǵash qala­laryn­da avto­matty gaz bólý stansalary qury­lysy kiredi. Satybaldy SÁÝIRBAI, «Egemen Qazaqstan» Aqtóbe oblysy, Hromtaý aýdany