Qarashada 114 mlrd teńge jarııa etildi

Búgin QR Premer-Mınıstri Baqytjan Saǵyntaevtyń tóraǵalyǵymen ótken Úkimet otyrysynda QR Qarjy mınıstri Baqyt Sultanov «Múlikti jarııa etý boıynsha ótkizilip jatqan aksııanyń barysy týraly» máselelerge qatysty baıandama jasady. Mınıstrdiń aıtýynsha, búgingi kúnge 4 trln. teńge, onyń ishinde 1,1 trln. teńge somada múlik, 2,9 trln. teńgege aqsha jarııa etildi. Bul rette, jarııa etilgen 399,2 mlrd. teńge (14%) qarajat sheteldegi bank shottarynan aýdaryldy. «Múlikti jarııa etý aksııasynyń aıaqtalýyna bir aı qalǵany belgili. Biz kútkenimizdeı, aksııanyń sońǵy aılarynda qarqynnyń joǵarylaýy baıqalýda»,- dedi B.Sultanov. Onyń aıtýynsha, eldiń aýmaǵynda ornalasqan múlik boıynsha, jarııa etýdiń ortasha aılyq quny aǵymdaǵy jylǵy 9 aı ishinde 45 mlrd. teńgeni qurasa, qazan aıynda jarııa etý somasy 56 mlrd. teńgeni qurady, al qarasha aıynda bul soma 114 mlrd. teńgege jetti, ıaǵnı, jyldyń basynan 2,5 esege ósti, al eger 2014-2015 jyldardaǵy kórsetkishtermen salystyratyn bolsaq, 4,3 esege artqandyǵy baıqalady. Arnur ASQAR, "Egemen Qazaqstan".