Otandyq ónimder «Duty free» jelisinde satylady

Búgin «Halyq markasy» Qazaqstandyq taýarlar men qyzmetterdiń sapasyn baqylaý júıesi federasııasy» ZTB men Aqtaý qalasyndaǵy «Duty free» jelisi arasynda ózara yntymaqtastyq jónindegi kelisimshart jasaldy, dep habarlady «QazAqparat». Kelisim boıynsha Aqtaýdaǵy «Duty free» dúkeniniń aýmaǵynda «Halyq markasy» brendimen otandyq ónimder satylymǵa shyǵatyn arnaıy stend paıda bolady. Onda «Halyq markasy» tutyný belgisine ıe bolǵan kondıterlik ónimder men sýsyndar, sývenırler jáne t.b. taýarlar qoıylady. «Halyq markasy» qazaqstandyq ónimderdiń órisin keńeıtýge barynsha kúsh salýda. Biz qolda bar múmkindikterdiń barlyǵyn paıdalanyp, tól brendterimizdi ilgeriletýdemiz. Sondaı ilkimdi qadam - aqtaýlyq «Duty free» jelisimen jasalyp otyr. Buǵan deıin otandyq ónimder atalǵan dúkenderde az kórinis taýyp kelgen bolsa, aldaǵy ýaqytta ol jerden de bizdiń markalarymyzdy kórýge bolady», – dep atap ótti «Halyq markasy» Qazaqstandyq taýarlar men qyzmetterdiń sapasyn baqylaý júıesi federasııasy» ZTB prezıdenti R.Tájibaeva. Aıta keteıik, otandyq ónimder bar stendter aldaǵy ýaqytta Eýropa men birqatar TMD elderinde, atap aıtqanda, Ázerbaıjanda, Qyrǵyzstanda, Reseıde jáne Túrkııanyń «Duty free» jelilerinde paıda bolady dep kútilýde. Al Aqtaý qalasynda tuńǵysh ret ornatylyp otyrǵan otandyq ónimder stendi aldaǵy ýaqytta álemniń 20 elin qamtıtyn jemisti jumystardyń betashary ispettes.