Shaıbaly hokkeı federasııasy atqarýshy komıteti saılandy

Astanada Qazaqstan shaıbaly hokkeı federasııasynyń HIII eseptik-saılaýynda «Damý» Qorynyń Basqarma tóraǵasy Qanysh Týleýshın Qazaqstan shaıbaly hokkeı federasııasy atqarýshy komıtetiniń múshesi bolyp saılandy. Atqarýshy komıtet 4 jylda bir ret, Qazaqstan shaıbaly hokkeı federasııasy prezıdentiniń saılaýymen birge ótedi. Konferensııa barysynda Qazaqstan shaıbaly hokkeı federasııasynyń prezıdenti bolyp burynǵy QHF prezıdenti Asqar Mámın qaıta saılandy. Sondaı-aq Qazaqstan shaıbaly hokkeı federasııasynyń bas dırektory Iýrıı Zverev pen Federasııa atqarýshy komıtetiniń burynǵy músheleri de qaıta saılandy. Shara barysynda Qazaqstan shaıbaly hokkeı federasııasy prezıdenti aldaǵy úsh jylǵa arnalǵan basty mindetterdi atap ótti. Olardyń arasynda: Oral, Shymkent, Qyzylorda jáne Aqtaýda kásibı hokkeı klýbtaryn qurý; áıelder hokkeıiniń aıasyn keńeıtý jáne áıelder komandalary arasynda Qazaqstan Respýblıkasynyń birinshiligin ótkizý;óńirlerde hokkeı sportyn damytý úshin qala men oblys ákimshilikteri, «Nur Otan» HDP bólimsheleri jáne QR dene shynyqtyrý jáne sport basqarmalarymen jumystardy nyǵaıtý sekildi kóptegen sharalar bar. Aınash ESALI, «Egemen Qazaqstan». ALMATY