ShQO-da elektr energııasymen jabdyqtaý jobasy iske qosyldy

Otandyq kásipkerlerdiń tól merekesi Indýstrııalandyrý kúnine oraı uıymdastyrylyp, Qazaqstan Respýblıkasynyń Prezıdenti Nursultan Nazarbaevtyń qatysýymen ótip jatqan Jalpyulttyq telekópir barysynda Ekibastuz - Shúlbi sý elektr stansasy - О́skemen qýat jetkizý jelisiniń Shyǵys Qazaqstandaǵy jańa bóligi iske qosyldy. «Asa qurmetti Nursultan Ábishuly! Sizdiń tapsyrmańyzǵa sáıkes, KEGOC Kompanııasy «Nurly Jol» baǵdarlamasy aıasynda 500 kV-tyq  Soltústik-Shyǵys-Ońtústik elektr energııasyn tasymaldaý tranzıtynyń qurylysyn júrgizýde. Osy jobanyń birinshi kezeńi 700 shaqyrym Ekibastuz-Semeı-О́skemen elektr  jelileri men 500 kV-tyq  Semeı qosalqy stansııasy jáne de úsh qosalqy stansııalaryn keńeıtý jumystary merziminen bir jyl buryn, elimizdiń 25 jyldyq táýelsizdigine oraı aıaqtaldy. Joba Shyǵys Qazaqstan oblysyn elektr energııasymen jabdyqtaý senimdiligine, óńirdiń ekonomıkasynyń damýyna  jáne jalpy  Qazaqstannyń energetıkalyq táýelsizdigin arttyrýǵa yqpal etedi. Qurmetti Nursultan Ábishuly! Osy jobanyń 1 kezeńin iske qosýǵa ruqsat etińiz!» -  dedi «KEGOC» aksıonerlik qoǵamynyń Basqarma tóraǵasy Baqytjan Qajıev. О́z kezeginde telekópir barysynda Elbasy Nursultan Nazarbaev bul jobany iske qosýǵa ruqsat berdi.