Venada halyqaralyq konferensııa ótýde

Vena qalasynda Atom energııasy jónindegi halyqaralyq agenttiktiń «Iаdrolyq qaýipsizdik: mindettemeler men áreketter» atty halyqaralyq konferensııasy ótip jatyr, dep habarlady elimiz Syrtqy ister mınıstrliginiń baspasóz qyzmeti. Osyndaı ár úsh jylda ótkiziletin ıadro­lyq qaýipsizdik máseleleri jónin­degi konferensııa ekinshi ret uıym­da­styrylýda. Konferensııaǵa 168 múshe mem­leket delegasııalary, sonyń ishinde 50 mınıstrler basqaratyn delegasııalar qatysýda. Al Qazaqstan tarapynan konfe­ren­sııa­ǵa elimizdiń Venadaǵy halyqaralyq uıymdar janyndaǵy Turaqty ókili, elshi Qaırat Sarybaı bastaǵan Energetıka mınıstrliginiń jáne Ulttyq ıadrolyq ortalyqtyń ókilderi barǵan bolatyn. Konferensııa mınıstrler segmenti­niń plenarlyq otyrysynan bastalyp, ıadro­lyq qaýipsizdikti qamtamasyz etý má­se­lelerine baılanysty ótken birneshe ǵy­lymı jáne tehnıkalyq otyrystarmen jalǵasty. Mınıstrler deklarasııa­syn tal­qylaý men onyń qabyldanýy mınıstr­ler segmentiniń plenarlyq otyrysy sheńberindegi eń mańyzdy oqıǵa bolyp tabyldy. Qazaqstan delegasııasynyń basshysy óziniń sózinde elimizdiń ıadrolyq qa­rýsyzdaný salasyndaǵy jetistikterin, Qazaq­stan Respýblıkasy men MAGATE arasyndaǵy ıadrolyq qaýipsizdikti kú­sheı­tý boıynsha yntymaqtastyǵyn atap ótti. MAGATE-ge múshe memleketter Qazaqstan Prezıdenti Nursultan Nazarbaevtyń BUU Bas Assambleıasynyń 70-otyrysynda usynǵan jáne «Álem. HHI ǵasyr» manıfesinde jalǵasqan, son­daı-aq BUU qujaty retinde tar­a­tylǵan bastamalaryna nazar aýdardy.  Qa­tysýshylar 2017 jyldyń ekinshi jar­­tysynda ashylady dep josparla­nyp otyrǵan MAGATE-niń Tómen baıy­tyl­­ǵan ýran bankin Qazaqstanda qurý jónindegi jobasynyń iske asyrylý barysy týraly habardar etildi. Iаdrolyq qaýipsizdik jónindegi kon­ferensııa jumysy 9 jeltoqsanǵa deıin jalǵasady.