Kompanııa ustanymy – qoljetimdi páter

Aqtóbe qalasy  jyl ótken saıyn qanatyn keńge jaıyp, kórkeıip keledi. Munda qurylys ındýstrııasy jaqsy damýda. Ásirese, turǵyn úı qurylysynda anaǵurlym ilgerileý bar. Shaharda sońǵy jyldardyń bederinde birneshe shaǵyn aýdan boı kóterdi. Turǵyn úı qurylysyn salýǵa memlekettik jáne jeke kompanııalar atsalysýda. Solardyń arasynda «Qazaqstan ıpotekalyq kompanııasy» IU» AQ sal­ǵan turǵyn úıler sáýlettik tar­tym­­dylyǵymen, ishki ólshemderi­men, eń bastysy, qoljetimdiligi­­men erek­­she­lenedi. Qazaqstan Respýb­lı­­ka­synyń Tuń­ǵysh Prezıdenti kú­nine oraı jáne Táýelsizdiktiń 25 jyl­dyǵy qarsańynda «Nurly jol» baǵ­darlamasy aıasynda «Báıterek» UBH enshiles uıymy – Qazaqstan ıpotekalyq kompanııasy salǵan tur­ǵyn úıler paıdalanýǵa berildi. Oblys ákimi Berdibek Saparbaev pen  «Qazaqstan ıpotekalyq kompanııasy» IU» AQ basqarma tóraǵasy Ádil Muhamedjanov osy  turǵyn úılerden páter alǵan aqtóbelik 318 otbasyǵa  pá­terlerdiń kiltterin saltanatty jaǵ­daı­da tapsyryp,  qonys toı­larymen qut­tyq­tady. Memlekettik baǵdarlamany tabysty júzege asyrýdyń arqasynda 2015 jyldan bastap 900 aqtóbelik ot­basy satyp alý quqyǵymen jalǵa be­riletin turǵyn úılermen qamtamasyz eti­l­di. «Nurly jol» baǵdarlamasy boı­ynsha salynatyn obektiler tez arada aıaqtalyp bıyl tapsyrylady. 2016 jyldyń sońyna deıin «Qazaqstan ıpotekalyq kompanııasy» IU» AQ Aqtóbe qalasynyń turǵyndaryna taǵy da taza árlengen 391 páter bólýge ázir. – Ústimizdegi  jyly biz elimizdiń Táýelsizdiginiń 25 jyldyǵyn toılaǵaly otyrmyz. Soǵan oraı óńirde «Uly Dala eli – Táýelsizdiktiń 25 negizi» atty 25 juldyzdy kún bastaý alǵan bolatyn. Qazirdiń ózinde bizdiń óńir «Nur Aqtóbe» men «Batys-2» alaptarynda turǵyn úı qurylysynda ózderiniń múmkindikteri men áleýetin senimdi túrde kórsete aldy. Bizdiń búgin tapsyratyn alty qabatty 3 turǵyn úıdiń páter kiltteri – osynyń dáleli, – dedi oblys ákimi. Jaldamaly páterlerge bıýdjettik uıymdardyń jumysshylary, memle­ket­tik qyzmetkerler, kópbalaly otbasylar, múgedek balalary bar otbasylar, ata-anasynyń qamqorynsyz qalǵan balalar, áskerı qyzmetshiler ıe boldy. – Adamdardyń kópten kútken pá­terle­rine Tuńǵysh Prezıdent  kúni qol jet­ki­zýleriniń de máni bar. О́ı­tkeni, búginde eli­mizdiń 9 myń aza­matynyń QIK jelisi boı­ynsha turǵyn úımen qamtamasyz etilýine Mem­leket basshysy tapsyrma bergen  bolatyn. Biz búgin Aqtóbe  men  Almaty qalalarynda 370  otbasynyń baspanaly bolyp, «Nurly Jol» memlekettik baǵdarlamasy arqasynda ıe bolǵandary úshin qýanyshtymyz, – dedi «Qazaqstan ıpotekalyq kompanııa­sy» IU» AQ  basqarma tóraǵasy Ádil Muhamedjanov. Aqtóbe qalasynda úsh úıden turatyn keshende 318 páter bar. Atalmysh baǵdarlama qatysýshylarynyń tizi­min  qalalyq ákimdiktegi komıssııa qujattaryn qa­byl­dap bolǵan soń jasap, tólem qa­bi­­­letterin rastaý úshin «Báı­terek» hol­dı­nginiń enshiles qurylymy – QIK-ke jiberdi. Jańa páterdiń kiltterine ıe bolǵan­dar­dyń qýanyshtarynda shek joq. Birin-biri quttyqtaǵan turǵyndardy sózge tartqanbyz. – Men elimizdiń Tuńǵysh Prezıdenti kúni páter kiltin alǵanyma qýanyp, tolqyp turmyn. Elbasy halyqtyń turmysyn jaqsartýǵa  aıryqsha kóńil bólýde. Sondaı-aq, óte qysqa merzimde osyndaı turǵyn úı salǵan Qazaq­stan ıpotekalyq kompanııasyna alǵysym sheksiz. Qýanyshymdy bólisýge Qazalydan anam Dámegúl de kelip, mynadaı jaıly páter alǵanyma qýanýda. Páterdiń nesıelik  baǵasy da qoljetimdi, bes jyldan keıin satyp alýǵa bolatyn sharty da qolaıly, – deıdi №6 emhananyń medbıkesi Gúljanat Eskendirova. – Bir úıli jan páter jaldap keldik. Qazir úsh bólmeli páterge qolymyz jetip otyr. Osynyń bári  Elbasynyń halyqtyń qamyn oılaǵan sarabdal saıasatynyń arqasy. Munda endi ata-anam, baýyrlarymmen birge jeti adam turatyn bolamyz. Baspanań bolǵanǵa ne jetsin, páter jaldaýdyń azabynan qutylyp, mereıimiz  ósip, kóńilimiz kóterlip qaldy, – deıdi Nurjan Istıgýlov. «Biz elimizdiń Prezıdentine halyqtyń turǵyn úıge jeńildikpen qol jetkizýine múmkindik bergeni úshin alǵys aıtamyz. Dúnıejúzilik ekonomıkalyq daǵdarys ke­zinde memleketimiz múgedekter, je­tim­­der, jas jáne kópbalaly otbasylar sekildi halyqtyń álsiz toptaryn qol­jetimdi baspanamen qamtamasyz etýdi jalǵastyryp keledi», deıdi «SNPS-Aqtóbemunaıgaz» AQ qyzmetkeri Aıda Baldarına. – Bizdiń kompanııa byltyr 70 páterdi paıdalanýǵa berdi. Bıyldyń ózinde №41 razezde – 48, «Keń dala» shaǵyn aýdanynda – 91, «Batysta» – 210, Maresev kóshesinde – 7 jáne Lenıngrad kóshesinde 9 páterli turǵyn úıdi tapsyrdyq. Qazir osy keshendegi 318 páter tolyqtaı daıyn. Búgin alǵashqy qonystanýshylar páter kiltterin aldy. Osy baǵdarlama júzege asyryla bastaǵaly 900-den astam aqtóbelik páterge ıe boldy. Bul baǵyttaǵy jumys jalǵasyn tabady. Kompanııa  turǵyn úılerdi salýda «Sollers», «Kross» jáne «Alań ınve­st» jaýapkershiligi shekteýli serik­tes­­tikterimen birge jumys isteýde. Bul úılerde bir, eki jáne úsh bólmeli páterler bar. Jalpy aýmaǵy 41-84 sharshy metr shamasynda. 1 sharshy metr turǵyn úıdiń quny ortasha eseppen aıyna 923 teńgeni qurady.  Ázirge 20 jylǵa jalǵa beriledi, múmkindigi kelse bes jyldan keıin satyp alýlaryna bolady, – deıdi «Qazaqstan ıpotekalyq kompanııasy» IU» AQ-tyń Aqtóbedegi ókili Dáýletııar Balabaev. Oblys ákimi Berdibek Saparbaev pen «Qazaqstan ıpotekalyq kompanııa­sy» IU» AQ basqarma tóraǵasy Ádil Mu­hamedjanov turǵyn úı alańyna aǵash kóshetterin otyrǵyzdy. Jalpy alǵanda bul kompanııa turǵyndardyń az qamtylǵan tobyn turǵyn úımen qamtamasyz etýde ózindik izdenistermen ju­mys isteýde. Turǵyn úılerdi tez de sa­paly salýmen birge, baǵasynyń qol­je­timdiligine de basymdyq berýi ha­ly­q­­tyń kóńilinen shyǵýda. Qazir osy baǵdarlamamen turǵyn úı alýǵa yqy­las bildirýshiler qatary arta túsken. Bul kompanııanyń bedelin kóterip, ju­mys­taryn qarqyndy júrgizýge yqpal etýde. Satybaldy SÁÝIRBAI, «Egemen Qazaqstan» AQTО́BE Sýretti túsirgen Maksım Tokar