Qostanaıda eki kósheniń ataýy ózgerdi

Qostanaı qalalyq máslıhaty turaqty komıssııasynyń birlesken  otyrysynda jurtshylyq pikirin tyńdaý ótkizildi. Onda oblys ortalyǵyndaǵy Gersen kóshesin Qobylandy batyr dańǵyly dep ózgertý, Gersen kóshesin akademık  Zulqarnaı Aldamjar atyndaǵy kóshe dep ózgertý jáne Taran kóshesin Táýelsizdik kóshesi dep ózgertý jóninde úsh másele qaraldy. Turaqty komıssııanyń birlesken otyrysyna qaladaǵy jurtshylyq jáne BAQ ókilderi shaqyryldy. Bıyl 26 qarasha kúni Qostanaı qalalyq máslıhatyna Qostanaı qalasy ákiminiń qaladaǵy kósheler atyn ózgertý týraly úndeýi kelip túsken bolatyn. Ol aldymen turaqty komıssııanyń birlesken otyrysynda qaralyp, onyń qorytyndysynda jurtshylyq pikirin bilý týraly qaýly qabyldanǵan bolatyn. Jurtshylyq pikiri tyńdalǵan otyrysta tarıh ǵylymdarynyń doktory, professor Amanjol Kúzembaıuly Qobylandy batyr týraly shaǵyn baıandama jasady. Sonan keıin jurtshylyq pikirin bildirdi. Sonymen qatar, Zulqarnaı Aldamjar týraly Qostanaı áleýmettik tehnıkalyq ýnıversıtetiniń dosenti Esmuqan Mahmetov aıtyp berdi. Uzaq talqylaýdan keıin kópshilik Qostanaıdaǵy uzyn kóshelerdiń biri Gersen atyndaǵy kóshe qazaqtyń bas batyry Qobylandynyń atyna laıyq degen toqtamǵa keldi. Munan keıin tarıh ǵylymdarynyń kandıdaty Sergeı Samarkın  revolıýsıoner Lavrentıı Taran týraly málimetter berdi. Jurtshylyq ókilderi talqylaı kele, Taran kóshesin Táýelsizdik dep ataý oryndy ekenine bátýalasty. Názıra Járimbetova, «Egemen Qazaqstan».