Tramp qymbat qyzmettik ushaqtan bas tartty

AQSh-tyń jańadan saılanǵan prezıdenti Donald Tramp Boeing kompanııasynyń Aq úıdiń jańa basshysyna arnaıy jasap jatqan 4 mıllıard dollar turatyn prezıdenttik Air Force One ushaǵyn tym qymbat dep, ony satyp alýdan bas tartty, dep habarlaıdy investing basylymy. "Boeing kompanııasy bolashaq prezıdentterge arnap jańa 747 Air Force One ushaǵyn qurastyryp jatyr. Baǵasy óte qymbat, 4 mlrd dollardan asady. Tapsyrystyń kúshi joıylsyn!" - dep jazdy mıllıarder óz týıtterinde. Nıý-Iorkte jýrnalısterdiń aldyna shyqqan Tramp mundaı qymbat ushaq miný aqylǵa qonymsyz ekenin aıtty. "Biz, árıne, Boeing kompanııasynyń baıyǵanyn qalaımyz. Biraq osynshalyqty emes", - dedi kásipker. О́z kezeginde Boeing kompanııasy Aq úı basshysynyń bul qadamyna eshqandaı da jaýap qatpady ázirge. Aıta keteıik, Air Force ushaǵy búginge deıingi AQSh prezıdentteriniń mingen eń qymbat ushaqtarynyń biri.