Orys tiliniń bilgirleri júldeger atandy

Mádenıet mınıstrliginiń Til komıteti jáne Qazaq elindegi orys qaýymy elimizdegi Reseı yn­tymaq­tas­tyq ókildiginiń qol­daýy­­men «Qazaqstan Respýblıka­sy­nyń Mádenıet mınıstrligi men Qazaqstannyń orys qaýymy arasyndaǵy ózara túsinistik pen yntymaq­tas­tyq týraly» memo­ran­dýmǵa sáıkes jaqynda Qa­zaq­stan halqy tilderiniń HIII festıvali aıasynda Reseı ǵylym jáne mádenıet ortalyǵynda «Til – barlyq bilimniń kilti» atty orys tili bilgir­leri­niń baıqaýyn ótkizdi. Baıqaý memlekettik tilde oqı­tyn jastardyń basqa til­derdi meńgerýge degen shy­ǵarmashylyq qabilette­rin jandandyrýdy, sóı­leý mádenıetiniń deńgeıin art­ty­rýdy, olardy tole­rant­ty­lyq tur­ǵyda tárbıeleýdi negizge ala otyryp uıym­das­ty­ryldy. Sha­ra­nyń negizi Elbasy Nursultan Nazar­baev­tyń bastamasymen qol­­ǵa alynǵan «Tilderdiń úsh­tu­ǵyrlyǵy» mádenı jo­ba­syn júzege asyrýǵa ba­ǵyt­talǵan. Bul baıqaýǵa barlyq ob­lystarda jáne Astana, Al­maty qalalarynda ótken ja­rystarda ozyp shyqqan 14-22 jastaǵy jo­ǵary oqý oryn­darynyń, kol­ledj­der­diń stýdentteri, mektep oqý­shylary qatysty. Osy sharaǵa Mádenıet vıse-mınıstri Ǵ.Telebaev, Parlament Se­na­tynyń depý­taty A.Bashmakov, Til ko­mı­tetiniń tóraǵasy Sh.Qur­man­­baıuly, Qazaqstan Res­pýb­lı­kasyndaǵy Reseı elshi­li­giniń aǵa ke­ńesshisi S.Annenkov, professorlar V.Kochenov, N.Shaı­merdenova, ózge de zııaly qaýym ókilderi qatysty. Baıqaý qorytyndysynda bas júldeni Pavlodar obly­synan kelgen 11-synyp oqý­shy­sy B.Qaı­yr­bekov, al birinshi oryndy ońtús­tik­qa­zaq­standyq 11-synyp oqýshy­sy Á.Baýyrjanqyzy alsa, ekinshi oryndy astanalyq 11-sy­nyp oqý­shysy M.Mýsına, úshinshi oryndy aqmolalyq stýdent Á.Nurǵojına ıelendi. Olar­ǵa baǵaly syılyq­tar tap­syryldy. Súleımet MÁMET.