Qorshaǵan orta qoldaýǵa muqtaj

Keshe elordada ashylǵan «Eýropa úshin qorshaǵan orta» atty VII Jalpy­eýro­pa­lyq qorshaǵan ortany qorǵaý mınıstrleri konferensııa­sy­na qatysýshy delegattar As­ta­nadaǵy «Atameken» etno-memorıaldyq keshen janyn­daǵy «Ekologtar alleıa­syn­da» aǵash otyrǵyzdy.    Alleıaǵa aǵash otyrǵyzý dás­túrli sharaǵa aınalyp otyr. О́t­ken jyly biz Azııa jáne Tynyq muhıty aımaǵynyń Qorshaǵan ortany qorǵaý mınıstrleri kon­fe­rensııasy aıasynda osyǵan uq­sas aksııa ótkizdik. Ol jasyl ós­kin­niń tek Qazaqstanda emes, álem­de de kóbeıýin maqsat tuta­dy, dedi jýrnalısterge bergen suhbatynda Qorshaǵan ortany qorǵaý vıse-mınıstri Rýslan Ból­tirikov. Aksııaǵa Polsha, Vengrııa, Qyrǵyzstan jáne basqa da elderden kelgen delegasııa basshylary qatysty. Elordada ashylǵan «Eýropa úshin qorshaǵan orta» atty mınıstrlerdiń jetinshi konferensııasyna birqatar memleketterden 1 myń 300-ge jýyq ókil qatysýǵa nıet bildirdi. Negizinen onda Eýropa elderiniń mamandary bolady, dedi vıse-mınıstr. Tústen keıin Táýelsizdik sa­raıynda «Eýropa úshin qorshaǵan orta» atty 7-shi mınıstrler kon­ferensııasynyń jumysy bastal­dy. О́tken jyly Astanada ótken Azııa men Tynyq muhıty aıma­ǵynyń qorshaǵan ortany qorǵaý jáne damytý mınıstrleriniń 6-shy konferensııasynda Qor­sha­ǵan orta jáne ony damytý jó­nindegi deklarasııa, sondaı-aq Astananyń «Jasyl kópir» atty bastamasy qabyldanǵan bolatyn. Bul bastamanyń negizgi maqsaty ekonomıkada «Jasyl damý» saıa­satyn alǵa jyljytýda Eýropa, Azııa jáne Tynyq muhıty elderine qoldaý kórsetý bolyp ta­bylady. 7-shi mınıstrler konferen­sııa­synyń ashylý barysynda Birinshi vıse-premer О́mirzaq Shó­keev Elbasy Nursultan Nazar­baevtyń úndeýin oqyp berdi. «Biz ózimizdiń bastamamyzdy naqty istermen dáleldep otyramyz. As­ta­nalyq «Jasyl kópir» basta­ma­syn kópshilikke tanystyrdyq. Ony koreıalyq «Jasyl damý» bas­tamasyn ári qaraı damytý joly retinde qarastyrdyq. Bú­gin­gi konferensııa barysynda biz jasyl ekonomıkaǵa kóshý boı­yn­sha óńirlik negizgi tetikterdiń biri bolatyn «Jasyl damý» árip­tes­tik baǵdarlamasyn qarastyrýdy usynamyz», – delingen Memleket basshysynyń sózinde. Elbasy úndeýinde tájirıbe almasý, taza tehnologııalarmen almasý tetikterin qurý, jasyl ekonomıkaǵa kóshý úshin birlesken ınvestı­sııa­lar men tıisti jobalar, son­daı-aq ekojúıeni saqtaý shara­la­ry osyndaı yntymaqtastyq aıasyn­da iske asyrylýy tıis ekendigi aıtylǵan. Konferensııa arasynda Qor­sha­ǵan ortany qorǵaý mınıstri Nurǵalı Áshim jýrnalıstermen áńgime barysynda elimizge aı­nal­maly sýmen qamtamasyz etý­diń eýropalyq standarttaryn en­gizý týraly oılarymen bó­listi. Osyǵan baılanysty ar­naıy zań jobasyn biz Májiliske bıyl usyn­ǵymyz kelgen, alaıda bir­qa­tar máseleler týyndap otyr, – dedi ol. Aınalmaly sýmen qamta­ma­syz etýdiń maqsaty paıda­la­nyl­ǵan sýdy tabıǵatqa taza kúıin­de qaıtarý bolyp taby­lady. Eýropada bul júıe álde­qashan qoldanysqa engizilgen, biz de osyny qýattaǵymyz keledi,  dedi mınıstr. Ol son­daı-aq, kór­shiles memleketterge transshe­ka­ra­lyq ózenderge baı­la­nysty BUU tetikterin paıda­lanýdy usy­nyp otyrǵandyǵyn málimdedi. Venera TÚGELBAI.